వావిలకొలను సుబ్బారావు - పండితకవులు - charcoal pencil sketch

పండితకవులు కీ. శే.    వావిలకొలను సుబ్బారావు -  నా charcoal పెన్సిల్ తో చిత్రీకరిణకుకున్న చిత్రం 

వికీపీడియా సౌజన్యంతో ఈ క్రింది వివరాలు సేకరించడమైనది.

ఆంధ్ర వాల్మీకి వావిలికొలను సుబ్బారావు (జనవరి 23, 1863 - ఆగష్టు 1, 1936) ప్రముఖ రచయిత, గ్రాంథికవాది. కందుకూరి వీరేశలింగం పంతులు తర్వాత, మద్రాసు ప్రెసిడెన్సీ కళాశాలలో ఆంధ్ర పండితులుగా 1904-1920 మధ్యకాలంలో పనిచేశారు. భక్తి సంజీవని మాసపత్రిక సంపాదకులు. ధర్మసమాజాన్ని స్థాపించారు. రామ భక్తుడు. రామాయణము ఆంధ్రీకరించి "ఆంధ్ర వాల్మీకి" బిరుదు పోందారు. ఒంటిమిట్టలోని కోదండ రామాలయాన్ని పునరుద్ధరించడానికి ఒక కొబ్బరి చిప్పను బిక్షా పాత్రగా విరాళాలను పోగు చేశారు, టెంకాయ చిప్ప శతకాన్ని రచించారు.

ఆంధ్ర వాల్మీకి హస్తంబు నందు నిలిచి రూప్యములు

వేన వేలుగా ప్రోగు చేసి దమ్మిడైనను వాని లో

దాచుకొనక ధరణి జాపతి కర్పించి ధన్యవైతి

కర్మ గుణపణిముల కుప్ప ! టెంకాయ చిప్ప! "

మరిన్ని వివరాలు ఈ క్రింది లింకు క్లిక్ చేసి తెలుసుకొనగలరు.

https://te.wikisource.org/wiki/%E0%B0%86%E0%B0%82%E0%B0%A7%E0%B1%8D%E0%B0%B0_%E0%B0%B0%E0%B0%9A%E0%B0%AF%E0%B0%BF%E0%B0%A4%E0%B0%B2%E0%B1%81/%E0%B0%B5%E0%B0%BE%E0%B0%B5%E0%B0%BF%E0%B0%B2%E0%B0%BF%E0%B0%95%E0%B1%8A%E0%B0%B2%E0%B0%A8%E0%B1%81_%E0%B0%B8%E0%B1%81%E0%B0%AC%E0%B1%8D%E0%B0%AC%E0%B0%BE%E0%B0%B0%E0%B0%BE%E0%B0%AF%E0%B0%95%E0%B0%B5%E0%B0%BF

దార అప్పలనారాయణ - కుమ్మరి మాస్టారు - బుర్రకధ కళాకారుడు

 

charcoal pencil sketch (Facebook goup The Golden Heritage of Vizianagaram గ్రూపు లో లభించిన ఫోటో ఆధారంగా చిత్రీకరించిన చిత్రం)

వివరాలు వికీపీడియా నుండి సేకరణ 

కుమ్మరి మాస్టారు బుర్రకథ చెప్పడంలో ప్రసిద్ధిచెందిన కళాకారుడు. ఇతని అసలు పేరు దార అప్పలనారాయణ (జూలై 1, 1930 - మే 28, 1997)

జననం

ఈయన జూలై 1, 1930 సంవత్సరంలో విజయనగరం జిల్లా, గజపతినగరం మండలం కోడిదేవుపల్లిలో అప్పలస్వామి, చంద్రమ్మ దంపతులకు జన్మించాడు.

ఈయన ఎనిమిదవ తరగతి వరకు స్వగ్రామంలోనే చదివాడు. 1947-49 మధ్యలో హయ్యర్ గ్రేడ్ ఉపాధ్యాయునిగా శిక్షణ పొంది, 1950-56 మధ్య అధ్యాపకునిగా ఉద్యోగం చేశాడు. ఉపాధ్యాయ శిక్షణ కాలంలో ప్రధానోపాధ్యాయులు గండికోట శ్రీరామమూర్తి ప్రోత్సాహంతో ముట్నూరి సూర్యనారాయణ దగ్గర బుర్రకథలో శిక్షణ పొందాడు. ఈయన తొలికథ 'స్వతంత్ర పోరాటం'. తొలికాలంలో నాటకాలలో పాత్రపోషణ చేస్తుండేవాడు. 'అభ్యుదయ కళామండలి'ని స్థాపించాడు. దీని ద్వారా అందించిన తొలి కానుక 'మల్లీశ్వరి'. ఈయన కథల ప్రత్యేత వంతగా స్త్రీ కళాకారిణిని పరిచయం చేయడం, హాస్యానికి పట్టం కట్టడం. కొన్ని సందర్భాల్లో గుమ్మెట, జముకు, డప్పు, ఢమరుకం, కంజీరా, డికీరా లాంటి దేశవాళీ సంగీతవాద్యాలను వినియోగిస్తూ కథ నడిపేవాడు. ఎక్కువగా 'రామరాజ్యం', 'బాలనాగమ్మ', 'ఆంధ్రకేసరి', 'బొబ్బిలి యుద్ధం' వంటి కథాంశాలు ప్రదర్శించేవాడు.

1964 లో శృంగవరపు కోటలో అప్పటి ముఖ్యమంత్రి కాసు బ్రహ్మానందరెడ్డి సమక్షాన 'చైనా భూతం' ప్రదర్శించాడు. 1975 లో ప్రపంచ తెలుగు మహాసభల సందర్భంగా బుర్రకథను ప్రదర్శించాడు. 1984 లో మహానాడులో 'రామరాజ్యం' బుర్రకథను రక్తికట్టించి, అప్పటి ముఖ్యమంత్రి ఎన్.టి.రామారావు అభినందనలు అందుకున్నాడు. ఈయన కథాగానం గ్రామఫోన్ రికార్డులుగా కూడా విడుదలైంది. 'లాల్ బహదూర్ శాస్త్రి', 'కొళాయి-లడాయి', 'ఎన్నికలు కామిక్' వంటి కథలు ఈ రికార్డులో ఉన్నాయి.

1967 లో తెలుగు సినిమా రంగంలో కాలుపెట్టి, కాంభోజరాజు కథ, కన్యకా పరమేశ్వరి కథ, రైతుబిడ్డ, శభాష్ పాపన్న చిత్రాల్లో బుర్రకథ కళాకరునిగానే కనిపించి, వినిపించాడు. ఆకాశవాణి, దూరదర్శన్ లలో వివిధసమయాలలో కథాగానం చేశాడు.

ఈయన 'హాస్య నటనాధురీణ' బిరుదాంకితుడు. 1966 లో భీమవరం త్యాగరాజు ఆరాధనోత్సవాలలో స్వర్ణ సింహతలాటాలు, కరకంకణాలు బహుమతిగా పొందాడు. 1988 జూన్ 27న ఆంధ్ర విశ్వకళాపరిషత్ ఆధ్వర్యంలో 'కళాప్రపూర్ణ' గౌరవం అందుకున్నాడు.

ఈయన మే 28, 1997 సంవత్సరంలో పరమపదించాడు.

మా తరం కా లేజీ అమ్మాయి

 సీ.

వాలుజడ నొకింత వదులుగాఁ నల్లియు

     సన్నజాజుల మాల జడను దాల్చి

ఒంటిపేట గొలుసు నొద్దికఁ నమరించి

      దిద్దియున్ తిలకంబుఁ దీరు గాను

శ్రోతస్సులందాల్చ జుమికీల నూపుచున్

      శిరము దిప్పుచు బల్కు జిత్రముగను

వస్త్రధారణ యందుఁ బరిణతిఁ దాజూపు

       చిరు దరహాసంబు చెదరనీక.

సీ.

క్షీరాశ గమనంబు కింకిర స్వనమున

           మంజులముగ బల్కు మంజుభాషి

లలితకళలటన్న రాణచూపు నువిద

           చదువు సంధ్యల యందు చదువులమ్మ

తల్లిదండ్రుల మాట తలదాల్చు తరుణియె

        ‌‌.  పిన్నపెద్దలయెడ పేర్మిజూపు

ఇంటిపనుల యందు నింతి కెంతయు శ్రద్ధ

           చెలిమి చేసిన జూపు స్నేహితమ్ము

తే.

ముగ్ధ మోహన రూపంబుఁ ముదముగూర్చ

కలికి నాటి యువకులకు కలలరాణి

కాంచ దుర్లభం బీచామఁ కలలనైన

నేత్ర పర్వమె యౌనె యీ నెలతఁ జూడ

ఋష్యేంద్రమణి - నటి, గాయని - charcoal pencil sketch

ఋష్యేంద్రమణి ప్రముఖ తెలుగు రంగస్థల, సినిమా నటి (charcoal pencil sketch)

అలనాటి అద్భుత రంగస్థల, సినిమా  నటిని నా పెన్సిల్ తో చిత్రీకరించుకునే భాగ్యం ఈ రోజు కలిగింది. బహుశా నేను చూసి  చిత్రీకరించిన reference పిక్చర్ ఈమె కొత్తగా సినిమారంగానికి వచ్చినప్పటిది అని బావిస్తున్నాను. 

ఈమె గురించి వివరంగా తెలుసుకోవాలంటే దయచేసి ఈ క్రింది లింకు క్లిక్ చేయండి. ధన్యవాదాలు 

https://te.wikipedia.org/wiki/%E0%B0%8B%E0%B0%B7%E0%B1%8D%E0%B0%AF%E0%B1%87%E0%B0%82%E0%B0%A6%E0%B1%8D%E0%B0%B0%E0%B0%AE%E0%B0%A3%E0%B0%BF.. 

అబ్బూరి కమలాదేవి

అబ్బూరి కమలాదేవి - పెన్సిల్ చిత్రం 

అబ్బూరి కమలాదేవి ప్రఖ్యాత రంగస్థల నటి. ఈమె శ్రీకృష్ణ, హరిశ్చంద్ర, దుర్యోధన వంటి పురుషపాత్రలను నటించడంద్వారా ప్రసిద్ధి చెందింది. ఈమె 1925, నవంబరు 2వ తేదీన కృష్ణా జిల్లా, పెడన గ్రామంలో తోట వెంకయ్య, సుబ్బమ్మ దంపతులకు జన్మించింది.

మరిన్ని వివరాలు ఈ క్రింది లింకు క్లిక్ చేసి చూడగలరు.

https://te.wikipedia.org/wiki/%E0%B0%85%E0%B0%AC%E0%B1%8D%E0%B0%AC%E0%B1%82%E0%B0%B0%E0%B0%BF_%E0%B0%95%E0%B0%AE%E0%B0%B2%E0%B0%BE%E0%B0%A6%E0%B1%87%E0%B0%B5%E0%B0%BF

పేరాల భరతశర్మ - సంస్కృతాంధ్ర పండితులు (పెన్సిల్ స్కెచ్)

పేరాల భరతశర్మ (my pencil sketch)

వికీపీడియా ఆధారంగా సేకరించిన వివరాలు టూకీగా :

సంస్కృతాంధ్ర పండితులు పేరాల భరతశర్మ 1933 ఫిబ్రవరి 2 వ తేదీన ప్రకాశం జిల్లా, చీరాల పట్టణంలో జన్మించారు.

ఇతడు 1953లో డిగ్రీ పూర్తి అయిన వెంటనే తను చదువుకున్న ఎస్.ఆర్.ఆర్., సి.వి.ఆర్ కాలేజిలోనే ట్యూటర్‌గా ఉద్యోగంలో చేరారు . తక్కువ సమయంలోనే ఉపన్యాసకునిగా పదోన్నతి పొంది 1960వరకు అక్కడ పనిచేశారు . తరువాత కాకినాడలోని పిఠాపురం రాజావారి కళాశాలలో 1960 నుండి 1985 వరకు ఉపన్యాసకుని గా పనిచేశారు,. 1985లో మరొకసారి పదోన్నతి పొంది విజయనగరం మహారాజా ప్రభుత్వ సంస్కృత కళాశాలలో ప్రిన్సిపాల్‌గా పనిచేశారు . 1991లో వీరు అధ్యాపక వృత్తి నుండి పదవీవిరమణ చేశారు.

అనేక అవధానాలు, రచనలు, ఉపన్యాసాల ద్వారా ప్రజలను ఆకట్టుకున్న పేరాల భరతశర్మ 2002, డిసెంబరు 13 న విజయవాడలో మరణించారు.

 

షణ్ముఖి ఆంజనేయరాజు - తెలుగు నాటక దిగ్గజం

 షణ్ముఖి ఆంజనేయ రాజు ప్రసిద్ధ రంగస్థల నటుడు, దర్శకుడు, నాటక ప్రయోక్త. - charcoal pencil sketch

మరిన్ని వివరాలు వికీపీడియా వారి ఈ క్రింది లింకు క్లిక్ చేసి తెలుసుకోగలరు,

https://te.wikipedia.org/wiki/%E0%B0%B7%E0%B0%A3%E0%B1%8D%E0%B0%AE%E0%B1%81%E0%B0%96%E0%B0%BF_%E0%B0%86%E0%B0%82%E0%B0%9C%E0%B0%A8%E0%B1%87%E0%B0%AF_%E0%B0%B0%E0%B0%BE%E0%B0%9C%E0%B1%81