నా చిత్రానికి మిత్రులు మాధవరావు కొరుప్రోలు గారు రాసిన కవిత. వారికి నా ధన్యవాదాలు.
అద్దమెంత అల్లరిదో..పలుకరించు పదేపదే..!
మెచ్చనీదు అందాలను..ధిక్కరించు పదేపదే..!
మెచ్చనీదు అందాలను..ధిక్కరించు పదేపదే..!
ఎంత దిద్దుకోవాలో..ఎఱుకపరచు పలుకకనే..
ముచ్చటాడు సందడినే..సంస్కరించు పదేపదే..!
ముచ్చటాడు సందడినే..సంస్కరించు పదేపదే..!
అర్థమవని భావాలకు..నిఘంటువే తానవునే..
నేను మాటు చిత్రాలను..ఆదరించు పదేపదే..!
నేను మాటు చిత్రాలను..ఆదరించు పదేపదే..!
విరహాగ్నిని ఊరడించు..నెచ్చెలిగా మిగిలియుండు..
చిరునవ్వుల వేదాలను..చిలకరించు పదేపదే..!
చిరునవ్వుల వేదాలను..చిలకరించు పదేపదే..!
ప్రతిబింబపు మూలాలను..అందించే కోమలిరో..
నిత్యసత్య మౌనసుధను..వెలువరించు పదేపదే..!
నిత్యసత్య మౌనసుధను..వెలువరించు పదేపదే..!
నా కలలకు ప్రతిరూపం..ఈ జగమే మాధవుడా..
నీ గజల్ పరిమళములె..కలవరించు పదేపదే..!
నీ గజల్ పరిమళములె..కలవరించు పదేపదే..!
