ఘంటసాల - నవమృదంగ నాదసుధా వరనిధియే తాను (గజల్)

My pencil sketches

అమర గాయకుడు ఘంటసాల పై గజల్ రచించిన మిత్రులు శ్రీ మాధవరావు కొరుప్రోలు  గారికి ధన్యవాదాలు సమర్పించుకుంటూ ..

నవమృదంగ నాదసుధా..వరనిధియే తాను..!

అజరామర స్వరధారా..వాహినియే తాను..!

శుక్లాంబర ధర సన్నుత..హంసధ్వని విజయ..

గీర్వాణీ ప్రియ వీణా..విభూతియే తాను..!

తెలుగువారి యాడపడుచు..కెంత సిగ్గు నింపె..

మధురామృత పదలహరుల..ఊపిరియే తాను..!

కరుణశ్రీకి కిరీటమై..విరాజిల్లె నేల..

పుష్పవిలాప సౌగంధ..విరాగియే తాను..!

తారకరామ జగదేకవీర శివానందలహరి..

అశేష జనహృదయ నిత్య..విహారియే తాను..!

చిత్రసీమా మనోజ్ఞ..విశ్వంభరుడహో..

శేషశైల వాసగాన..వినోదియే తాను..!

ప్రియమాధవానంద నిలయుడే'ఘంటసాల'..

శాశ్వతానంద మంగళ..హారతియే తాను..!