నా చిత్రానికి శ్రీమతి పద్మాజ మంత్రాల గారి పద్య రచన
(1)
నీలగళా! హరా! యనుచు నిత్యము భక్తిగ నిన్ను గొల్తురా!
మాలిమి తోడ ముక్తిగొను మార్గము తెల్పుమయా నిరామయా!
శూలధరా! సురేశ! దయ జూపర! శంకర! జాలమేలయా!
జాలిగ వేడుచుంటినయ చంద్రధరా! నను బ్రోవ రావయా!
(2)
పన్నగభూషణా! పతితపావన! పాపవిమోచనా! భవా!
కన్నులు మూడు గల్గినను గాంచవదేలర నాదు బాధలన్!
మిన్నగ పూజలెన్నిటినొ మిక్కిలి శ్రద్ధగ జేసితిన్ కదా!
నన్ను పరీక్ష చేయతగునా పరమేశ్వర! పార్వతీప్రియా!
(3)
అంబను గూడి యుందువు దయామయ చల్లని మంచుకొండపై
చెంబెడు నీరు పోయగనె చింతలు దీర్తువు లింగధారివై
డంబములేమి కోరనయ లౌక్యము నీయుమయా! జటాధరా!
సాంబ! సదాశివా! శరణు! సద్గతి నీయర! జంగమేశ్వరా!
(చిత్రకారులు శ్రీ పొన్నాడ మూర్తి గారికి ధన్యవాదాలతో...
కామెంట్‌లు లేవు:
కామెంట్‌ను పోస్ట్ చేయండి