16, ఏప్రిల్ 2021, శుక్రవారం

నృత్య దర్శకుడు సలీం కధ


 ========================= 

ముగ్గురు సీఎంలతో స్టెప్పులు వేయించిన డ్యాన్సర్ 

నృత్య దర్శకుడు సలీం.‌

 సేకరణ

=======================

అది హైదరాబాద్‌ ఆర్‌ టి సి రోడ్‌ లోని సంగం థియేటర్‌.

వేటగాడు సినిమా ప్రదర్శన. ఆకు చాటు పింద తడిచే పాట

రాగానే పెద్ద సంఖ్యలో యువకులు తెర ముందుకు వెళ్లిపోయి.

అచ్చం ఎన్టీఆర్‌లానే స్టెప్పులేస్తున్నారు. కొందరు తెరపైకి

నాణాలు విసురుతున్నారు. కొద్దిమంది సీట్లలోనే కూర్చోని

ఈలలతో హోరెత్తించారు. 80 వ దశకంలో కొన్ని

సినిమాలకు ఇలాంటి ద్ధాఎశ్యాలు కనిపించేవి. ఆ తరువాత

మరే భాషలోనూ, మరే ప్రాంతంలోనూ ఇలాంటి దృశ్యాలు

కనిపించలేదు.

ప్రేక్షకులను తమ సీట్లలో తమను కూర్చోనివ్వకుండా తెర

ముందుకు పరిగెత్తించి వారితో నృత్యాలు చేయించిన ఆ నృత్య దర్శకుడు సలీం.


రాజకీయాల్లో హై కమాండ్‌ ముఖ్యమంత్రులతో స్టెప్పు

లేయించడం మామూలే. కానీ ఆయన సినిమాల్లో ముగ్గురు

ముఖ్యమంత్రులతో స్టెప్తులేయించారు. సలీం స్టెప్పులు

వేయించిన తరువాత వాళ్లు ముఖ్యమంత్రులయ్యారు.


ఎం జి రామచందన్ర్‌, జయలలిత, ఎన్టీరామారావు ఈ ముగ్గురితోనూ 

స్టెప్పులు వేయించారు. స్టెప్పుల్లోనే నిరంతరం మునిగిపోయిన

ఆయన తన జీవిత స్టెప్పులను మాత్రం సరిగా కంపోజ్‌ చేసుకోలేక పోయాడు.

సినిమాలో స్టెప్పులు సరిగా రాకపోతే రీ టేక్‌ ఉంటుంది. జీవితంలో అలా

ఉండదు. అందుకే ఆయన 80 ఏళ్ల వయసులో అనాధలా మరణించాడు.

ప్రమాదంలో ఒక చేయి పని చేయని స్థితికి చేరుకున్న తరువాత

కొరియోగ్రాఫర్‌గా అవకాశాలు లేకపోయినా నిరంతరం డ్యాన్స్‌నే ప్రేమించాడు.

అతను సినిమా ల్లో డ్యాన్స్‌ను ఎంతగా ప్రేమించాడంటే? జరిగిందేదో

జరిగిపోయింది ఇకచాలు డ్యాన్స్‌ల పిచ్చి వదిలేయండి... కుటుంబం కావాలో ఆ

డ్యాన్సులు కావాలో తేల్చుకోండి అని భార్య అడిగితే, ఏ మాత్రం

ఆలోచించకుండా సలీం డ్యాన్స్‌కే ఓటు వేశాడు. డ్యాన్స్‌ కావాలా? విడాకులు

కావాలా? అని భార్య అడిగితే విడాకులు తీసుకొని డ్యాన్స్‌ను నమ్ముకున్నాడు.

దాంతో 941 సినిమాలకు కొరియోగ్రాఫర్‌గా పని చేసిన ఆ.

వయసులో ఎవరూ లేని అనాధలా, తినడానికి తిండి, కట్టుకోవడానికి సరైన

బట్టలు కూడా లేకుండా 2011 అక్టోబర్‌ 16న మద్రాసులో కన్నుమూశాడు.

సలీం వైఫల్యంలో సలీంకు మాత్రమే బాధ్యత ఉంది. ఒక్క సలీం విషయంలోనే

కాదు ఏ వ్యక్తి విజయం సాధించినా, పరాజయం పాలైనా దారిద్యంతో

మరణించినా, అంతిమ కాలంలో ప్రశాంతంగా కన్ను మూసినా అంతకు

ముందు ఆ వ్యక్తి వేసిన అడుగులే ఆ పరిస్థితికి కారణం అవుతుంది తప్ప

మరెవరిదో బాధ్యత కానే కాదు.


దక్షిణ భారత దేశంలోనే నంబర్‌ వన్‌ కొరియోగ్రాఫర్‌గా సలీం నిలిచారు.

తెలుగు, తమిళం, కన్నడ, మళయాళం, హిందీ భాషా సినిమాల్లో ఒకటి రెండు

సంవత్సరాలు కాదు సుదీర్హ కాలం బహుశా మరో కొరియోగ్రాఫర్‌ ఎవరూ

ఇంతటి. సుదీర్ధ కాలం ఫీల్ట్‌లో లేరు. 941 సినిమాలకు 

కొరియోగ్రాఫర్‌గా పని చేశారు.   సలీం అని సింగిల్‌ కార్డు మాత్రమే

ఉండాలి. ఒక్క పాటకు పరిమితం కావడం ఒక్కసారి కూడా జరగలేదు. ఆ కాలంలోనే 

 ఒక్కో పాటకు లక్ష రూపాయల పారితోషికం తీసుకునే వారు. మరి

డబ్బంతా ఏమయింది అంటే ఆయన గర్వంగా నన్ను అంతా కుట్టి ఎంజిఆర్‌

అని అభిమానంగా పిలిచేవారు. ఎంజి రామచంద(న్‌్‌ దాన ధర్మాలకు పెట్టింది.

పేరు, అలా సలీం కూడా అడిగిన వారికల్లా సహాయం చేస్తుంటే చిన్న ఎంజిఆర్‌

అని ముద్దుగా పిలిచేవారట! ఇది సలీమే చెప్పుకున్న మాట.

కృష్ణ రజనీకాంత్‌, కమలహాసన్‌, జితేంద్ర వారు వీరని కాదు ఆ కాలంలో

హీరోలందరితో డ్యాన్సులు చేయించారు సలీం.

హైదరాబాద్‌లో ఒక సినిమా షూటింగ్‌లో ఎడమ చేయి ప్రమాదంతో పని 

చేయకుండా పోయింది. అప్పటి నుంచి ఆయనకు సినిమాలు లేవు. ఐనా ఒక

చేయితో కూడా నేను డ్యాన్స్‌ చేయించి చూపగలను అని ధీమాగా ఎవరూ

ఆయన్ని సీరియస్‌గా తీనుకోలేదు. ఆయన శిష్యులే ద్యాన్సర్లుగా వెలిగిపోతున్నా

తన జీవితం గురించి తానే పట్టించుకోని గురువు గురించి శిష్యులు ఎందుకు,

పట్టించుకుంటారు. ఒంటి చేత్తో డ్యాన్స్‌లు చేయడానికి సలీం ఉత్సాహపద్దా

భార్యా బిడ్డలు కూడా ఇష్టపడలేదు. నీ జీవితం నీది మా జీవితం మాది అంటూ

వెళ్లిపోయారు. నా ప్రాణం ఉన్నంత వరకు డ్యాన్స్‌ చేస్తాను అని సలీం చెప్పినా

ఆయనకు అవకాశం ఇవ్వడానికి ఎవరూ ముందుకు రాలేదు.

కేరళకు చెందిన సలీం మక్కా సందర్శించాలనేది జీవిత లక్ష్యం. దాని కోసమే

మద్రాసు వచ్చిన ఆయన ఎంతో మందికి సహాయం చేశారు. చివరి దశలో

చేతిలో చిల్లిగవ్వ లేకుండా కనులు మూశారు. ఓ పెద్ద భవనం అద్దె కున్న

వారితో వివాదం. ఆ భవనంపై సలీం వాదన అద్దెకుండేవారి వాదన వేరువేరుగా

ఉంది. ఆ భవనం వ్యవహారంలో హత్య జరిగిందని అంటారు. తప్పు ఎవరిదో

ఏం జరిగిందో కానీ సలీం జీవితం మాత్రం రోడ్డున పడింది. 941 సినిమాలు

అంటే దాదావుగా నాలుగువేల పాటలకు న్థూఎత్యాలను కంపోజ్‌ చేసిన సలీం

చివరి రోజుల్లో కడువులో తిండి చేతిలో చిల్లిగవ్వ లేకుండా కనులు మూయడం

బాధాకరం.


మనిషి చందమాను ఎప్పుడో తాకేశాడు. మార్స్‌వైవు అడుగులు వేస్తున్నాడు.

కానీ కొన్ని అంశాల్లో మనకు చీమకున్నంత ముందు చూవు కూడా

లేదేమోననిపిస్తుంది. రేపటికి ఎలా అనే ఆలోచన అంత చిన్న జీవి చీమకు

ఉన్నప్పుడు చీమ కన్నా కొన్ని కోట్ల రెట్లు పెద్ద సైజులో ఉందే మనకు ఉండాల్సిన

అవసరం లేదా? సలీంనో, మరో సినిమా ప్రముఖుడినో తప్పు పట్టడం మన

ఉద్దేశం కాదు. అంత స్థాయికి ఎదిగిన వారే ముందు చూవు లేకపోతే ఎందుకూ

కొరగాకుండా పోయారు. సామాన్యులం మనమెంత జాగ్రత్తగా ఉండాలో

చెప్పడానికే ఈ ప్రయత్నం. వ్రూఎత్తిని ప్రేమించాల్సిందే కానీ జీవితాన్ని

కుటుంబాన్ని అంతకన్నా ఎక్కువ గౌరవించాలి. ఏదో ఒక దశలో నీ వృత్తి నీ

నుంచి దూరం కావచ్చు, నువ్వు వీడ్మోలు పలికే రోజు రావచ్చు కానీనీ

కుటుంబం మాత్రం నీవున్నంత వరకు నీతో ఉంటుంది.

కామెంట్‌లు లేవు:

యామిజాల పద్మనాభస్వామి - బహుముఖ ప్రజ్ఞాశాలి, సంస్కృతాంధ్ర పండితుడు, స్వాతంత్ర్య సమర యోధుడు

నా పెన్సిల్ చిత్రం - (స్పష్టత లేని పురాతన  ఫోటో ఆధారంగా చిత్రీకరించిన చిత్రం) యామిజాల పద్మనాభస్వామి  బహుముఖ ప్రజ్ఞాశాలి, సంస్కృతాంధ్ర పండితు...