నా చిత్రానికీ శ్రీమతి పుచ్చా గాయత్రీ దేవి గారు అల్లిన కవిత.
నీ నవ్వుల కిల కిలలే నా మనసుని తాకినవి
నీ శ్వాసల నిట్టూర్పులు నా తనువును తాకినవి.
సరాగములు, సయ్యాటలు, శ్రుతిమించని తరంగాలు
నీవలపుల ప్రేమాటలు మధురిమలను పంచినవి
సురగంగల కదలి వచ్చే నా ప్రేమ ఝురి నీవే కదా !
నీ ఊసులు, ఊహలతో నా దినము గడచినది.
నీ నవ్వుల కిల కిలలే నా మనసుని తాకినవి
నీ శ్వాసల నిట్టూర్పులు నా తనువును తాకినవి.
నా ఊహల నందనమా, కదలి వచ్చే వయ్యారమా !
వెన్నెలంటి చిరునవ్వుతో మెరిసే మణి హారమా !
వాదనలు, శోధనలు విధి రాసిన వింత రచన
ఈ నాటక రూపములో నా జీవన భాగ్యమా !
నీ నవ్వుల కిల కిలలే నా మనసుని తాకినవి
నీ శ్వాసల నిట్టూర్పులు నా తనువును తాకినవి.
కరుణ పంచు నీ రూపే కరువు తీర కాంచిన,
సుధలు పంచు నీ పలుకే మదినిండుగా వినినా
సమ్మెహన పదానికే నీవే తాత్పర్యమా !!
కదలాడే చంద్రవంక నా ఊహా చిత్రమా !
పి. గాయత్రిదేవి.
Ponnada VR Murty గారి చిత్రము
కామెంట్‌లు లేవు:
కామెంట్‌ను పోస్ట్ చేయండి