తెలుగు వెలుగు

12, ఆగస్టు 2016, శుక్రవారం

11, ఆగస్టు 2016, గురువారం

సైనా నెహ్వాల్ - Saina Nehwal - పెన్సిల్ చిత్రం

Rio Olympics లో పాల్గొంటున్న బ్యాడ్మింటన్ క్రీడాకారిణి సైనా నెహ్వాల్ కి జయం చేకూరాలని కోరుతూ, నా పెన్సిల్ రేఖల్లో ఆమెని ఇలా చిత్రీకరించుకున్నాను.

విద్యుద్దీప కాంతులతో పుష్కర శోభ సంతరించుకున్న విజయవాడ

9, ఆగస్టు 2016, మంగళవారం

ఈ రోజు తెలుగు చిత్రసీమనేలిన మహోన్నత హాస్య నటుడు రేలంగి గారి జయంతి. తొలిసారిగా పద్మశ్రీ పొందిన తొలి హాస్యనటుడు రేలంగి. వారికి నా ఘన నివాళి. వీరిని నా పెన్సిల్ చిత్రం ద్వారా చిత్రీకరించుకోవడం, దానికి facebook తదితర social networking sites లో విశేష స్పందన లభించడం నేను చేసుకున్న అదృష్టం.

ఈ క్రింది వీడియో లో రేలంగి గారి గురించి, వారి film history గురించి చాలా బాగా తెలియబరిచారు. తిలకించండి.

7, ఆగస్టు 2016, ఆదివారం

కృష్ట్నా పుష్కరాలు

*పుష్కర ప్రాశస్త్యం:*
**** ********** ************ ****
బృహస్పతి గ్రహం నవగ్రహాల్లో ఒకటి. దీన్నే గురుగ్రహం అని కూడా అంటారు. ఇది భూమికంటే పెద్దదిగా ఉంటుంది. ఇది పురుష గ్రహం, బ్రాహ్మణకులంగా కూడా చెబుతారు. సత్త్వగుణ ప్రధానమైన ఈ గ్రహంతో మానవులకు ఎంతో ఉపకారం జరుగుతుంది. ఎందుకంటే ఈ గ్రహ ప్రాబల్యం బాగా ఉన్న వారికి విద్య, బుద్ధి, జ్ఞానం బాగా ఉంటుంది. అంతేకాదు!

ఈ గ్రహం బాగుంటే వారు అమితమైన తేజోవం తులుగానూ, ధనవంతులుగానూ ఉంటారని జ్యోతి శ్శాస్త్రం చెబుతోంది. అలాగే, గురుగహ్ర ప్రభావం భూమ్మీద నివసించే వారిపై ఎక్కువగా ఉంటుందని కూడా ఈ శాస్త్రం స్పష్టం చేస్తోంది. అలాంటి ఈ బృహస్పతి మనకున్న పన్నెండు రాశుల్లోనూ ఏడాదికో రాశిచొప్పున సంచరిస్తూ పన్నెండేళ్లూ పన్నెండూ రాశుల్లోనూ సంచరిస్తాడు. ఈ సంవత్సరం ఆగస్ట్ 12 వ తేదీ నుండి గురు గ్రహం కన్యా రాశి లో ప్రవేశం తో కృష్ణా నది కి పుష్కరం ప్రారంభం.
ఈ సమయంలో ముక్కోటి దేవతలు నదిలో నివాసమై ఉంటారు. దాంతో ఆయా నదులకు ఎంతో ప్రాభవం, ప్రభావం ఉంటుంది. ఈ సమయం లో ఒక్కసారి స్నానం చేస్తే పన్నెండేళ్లపాటు ప్రతిరోజూ నదీ స్నానం చేసిన పుణ్యాన్ని పొందుతారని పురాణాలు ఘోషిన్నాయి
“గంగేచ యమునే కృష్ణేగోదావరి సరస్వతి" అంటూ ఆ నదులను స్మరిస్తూ చేసే స్నానం వల్ల వచ్చే ఫలాలను అర్షులు ఇలా చెప్పారు.
నదీస్నానం చేస్తే శారీరకంగా కనబడే మాలిన్యం పోతుంది.
నిండు ప్రవాహమున్ననదిలో స్నానం చేయడంవల్ల శరీర మంతటికీ సుఖస్పర్శ కలిగి శరీరంలో ఉష్ణాధిక్యత తగ్గుతుంది.
నడీనీటిలోని చల్లదనం ఇంద్రియతాపాలను తగ్గించి మనస్సుకూ, వాక్కుకూ శుచిత్వాన్ని కలిగిస్తుంది. కర్మానుష్ఠాన యోగ్యత సిద్ధిస్తుంది.
పుణ్యనదీతీర్థాల్లో చేసే స్నానం మనసుకు ఏకాగ్రతనిస్తుంది.
తీర్థమందు స్నానం చేసినవాడు తనకు సంబంధించిన వారిలో చాలా శ్రేష్ఠమైన వాడవుతాడు.
మహర్షుల యొక్క దీక్షా, తపస్సుల విశేషాలు, శక్తి నదీ జలాల్లో ఉన్నవని వేదం నిర్దేశించింది. కావున నదీస్నానంచే వాటిని మనము స్వీకరించి పవిత్రులమౌతాం.
అందుచేతే నదీజల స్నానం సర్వథా, సర్వదా యోగ్యమని అర్షుల వాక్కు.
భారతదేశంలో పుణ్యనదులకు కొరతేలేదు. పుట్టింది మొదలు మానవులు చేసే పాపాలు విశిష్టదినాల్లో అనగా – పుష్కర సమయంలో, గ్రహణ సమయాల్లోను, మకర సంక్రమణ సమయంలో, కార్తీక, మాఘమాసాల్లో నదీ స్నాన మాచారిస్తే త్రికరణశుద్ధిగా పాపాలు నశిస్తాయని శాస్త్రాలు చెప్తున్నాయి.
ప్రతి నదీ పాపహారిణే, పుణ్యమూర్తే. నది స్త్రీ రూపం. అందుకే స్త్రీలు పసుపు, కుంకుమ, పువ్వులతో విశేషంగా నదిని పూజిస్తారు.
ప్రతి జీవనడికి 12 సంవత్సరాలకు ఒకసారి పుష్కరాలు వస్తాయి. జీవన ప్రదాతలైన నదులకు కృతజ్ఞత చెప్పటం పుష్కరాల ప్రధానోద్దేశం. పెద్దలకు పిండ ప్రదానం చేసి పితృఋణం తీర్చుకోవటం ఒక ధార్మిక, సాంస్కృతిక ప్రయోజనం.
కన్యారాశిలో బృహస్పతి ప్రవేశించినపుడు కృష్ణానదికీ పుష్కరాలు వస్తాయి. పుష్కరాల సమయంలో నదీస్నానం చేస్తే వెయ్యి గోదానాలు చేసిన పుణ్యం లభిస్తుంది.
మన ప్రభుత్వం వారు ఈ కృష్ణా పుష్కరాలకు అన్ని ఏర్పాట్లు చేసినారు.. మనం కూడా భాద్యత తో క్రమశిక్షణ తో పుష్కర స్నానం ఆచరించి, పితృ దేవతల రుణం తీర్చుకోవాలని కోరుకుంటూ అందరికీ శతమానంభవతి

(Courtesy : Sri Venugopal Nellutla)

5, ఆగస్టు 2016, శుక్రవారం

భవరోగ వౖద్యుడవు పాటించ నీవొకడివే - అన్నమయ్య కీర్తన

ఓ చక్కని అన్నమయ్య కీర్తన

భవరోగ వైద్యుడవు పాటించ నీవొకఁడవే
నవనీతచోర నీకు నమో నమో. IIపల్లవిII

అతివలనెడి సర్పా లధరాలు గఱచిన
తతి మదనవిషాలు తలకెక్కెను
మితిలేనిరతులఁ దిమ్మరివట్టె దేహాలు
మతిమఱచె నిందుకు మందేదొకో. IIభవII

పొలఁతులనెడిమహాభూతాలు సోఁకిన
తలమొలలు విడి బిత్తలై యున్నారుక్షతా
అలరుచెనకులచే నంగములు జీరలాయ
మలసి యిందుకు నిఁక మంత్రమేదొకో. IIభవII

తరుణులకాఁగిలనే తాపజ్వరాలు వట్టి
కరఁగి మేనెల్ల దిగఁగారఁజొచ్చెను
నిరతి శ్రీవేంకటేశ నీవే లోకులకు దిక్కు
అరుదుసుననుండే యంత్రమేదొకో
భావం:
దేవా! ఆలోచించి చూడగా సంసారమను జబ్బుకు నీవొకడవే వైద్యుడవు. ఓ వెన్నదొంగా! నీకు దండము ,నీకు దండము.
స్త్రీలనెడు పాములు పెదవులు గరచినంత పురుషులకు కామవిషములు తలకెక్కినవి. అంతులేని రతిక్రీడలలో మునిగి తేలుటచే శరీరములు తిమ్మిరి పట్టినవి. మతిమరుపు కలిగినది. ఈ విషం దిగుటకు, ఈ తిమ్మిరి వదులుటకు తగిన మందేదో!
స్త్రీ వ్యామోహం అనెడి పెద్ద భూతం సోకగా మనుజులు తలమొలలు వీడి ఒడలు తెలియక దిసమొలలుతో ఉన్నారు. కామక్రీడలకు సంబంధించిన నఖక్షత దంతక్షతాదులచే శరీరము అంతయు గీరలు పడినవి. ఈ దెయ్యమును విడిపించుటకు మంత్రమేదోకదా!!
అంగనల ఆలింగనములనెడి తాప జ్వరములు పట్టి శరీరములెల్ల చెమటలు కారుచున్నవి. శ్రీ వెంకటేశ్వరా ఈ విషమ పరిస్థితులలో ఉన్నవారికి నీవే రక్షకుడవు. ఈ చిక్కులనుండి విడివడి శాశ్వతమైన సుఖము పొందుటకు సాధనమైన యంత్రమేదో అనుగ్రహింప రాదా!!!
(పొన్నాడ లక్ష్మి)

2, ఆగస్టు 2016, మంగళవారం

కవి సామ్రాట్ విశ్వనాధ సత్యనారాయణ

మన ఆణిముత్యాలు కవి సామ్రాట్ కీ. శే. విశ్వనాధ సత్యనారాయణ. ఈ క్రింది లింకులో చదవండి.

http://www.deccanabroad.com/vishwanaatha-satyanaarayana/