5, మార్చి 2017, ఆదివారం

మరల రాని కలే కదా..మధురమైన ఈ కల'యిక - తెలుగు గజల్


నా పెన్సిల్ చిత్రానికి శ్రీ Madhav Rao Koruprolu గారి గజల్. ఇంత మంచి కవిత అందించినందుకు వారికి నా ధన్యవాదాలు.

మాన్యశ్రీ Pvr Murty గారికి ప్రత్యేక కృతజ్ఞతలతో..!
గజల్ 1451.
మరల రాని కలే కదా..మధురమైన ఈ కల'యిక..!
చెప్పలేని కథే కదా..అందమైన ఈ కల'యిక..!
చైతన్యపు పొదరింట్లో..నాట్యమాడు మెఱుపులెన్నొ..
నిన్నలేని వలే కదా..నిత్యమైన ఈ కల'యిక..!
ఊయలంటి మనసేమో..మధురోహల మబ్బులలో..
మోయలేని బరువేగా..భారమైన ఈ కల'యిక..!
ఈ కత్తుల వంతెనపై..ప్రతిక్షణం మనోహరం..
చూడలేని అడవేగా..దివ్యమైన ఈ కల'యిక..!
వెలుగుపూల కడలికసలు..తీరమెలా ఉంటుందట..
పంచలేని ఫలమేగా..భాగ్యమైన ఈ కల'యిక..!
ఈ మాధవ గజల్ కన్న..వింతగొల్పు గగనమేది..!
వ్రాయలేని కావ్యమేగ...సరసమైన ఈ కల'యిక..!

కామెంట్‌లు లేవు:

యామిజాల పద్మనాభస్వామి - బహుముఖ ప్రజ్ఞాశాలి, సంస్కృతాంధ్ర పండితుడు, స్వాతంత్ర్య సమర యోధుడు

నా పెన్సిల్ చిత్రం - (స్పష్టత లేని పురాతన  ఫోటో ఆధారంగా చిత్రీకరించిన చిత్రం) యామిజాల పద్మనాభస్వామి  బహుముఖ ప్రజ్ఞాశాలి, సంస్కృతాంధ్ర పండితు...