కలకంఠి దోసిటన ఇమిడింది ఒకజంట - గజల్

శ్రీమతి గుడుపూడి రాధికారాణి గారి గజల్ యథాతధంగా.  ఆమె అనుమతితో నా చిత్రాన్ని జోడించుకున్నాను.

 *గజల్*

కలకంఠి దోసిటన ఇమిడింది ఒకజంట

అలవంటి వెన్నెలతొ తడిసింది ఒకజంట

మదిలోని మూర్తిని మహిళయే చూపింది

తనరూపు జతచేయ వెలిసింది ఒకజంట

నిశివేళ శశిరాక ఊరటను కలిగించు

కిరణాల ధారలో మురిసింది ఒకజంట

అడ్డంకులెన్నున్న అధిగమించును అతివ

జాబిల్లి సాక్షిగా మెరిసింది ఒకజంట

అనురాగమాశించి నీ నీడ నిలిచింది

పులకించి నృత్యమే ఆడింది ఒకజంట

అందాల అపరంజి అవనికే అద్భుతము

మమతయే కుసుమమై విరిసింది ఒకజంట

వలపువీణలు మోగ పాడవే రాధికా!

బతుకంత పున్నమిగ గడిపింది ఒకజంట.

********************************

గుడిపూడి రాధికారాణి(1.07.2018)