ఆశాజీవులు

ఆశాజీవులు

పై వంతెన క్రింద ప్లాస్టిక్ గుడారాల్లో
ప్రకృతి ప్రకోపాలకి బలైపోతున్న బడుగుజీవులు
చింపిరి జుత్తులతో జీర్ణవస్త్రాలతో
అలనాపాలనా లేని అనాధ బాలలు
వార్తాపత్రికలకే పరిమితమయిన
పధకాలను అందుకోలేని నిర్భాగ్యులు
సంఘసంస్కరణల ముసుగులో జరిగే అవినీతిని
నిర్మూలించలేని నిస్సహాయులు
జీవిత చరమాంకంలో చేయూతకోసం
పరితపించే విధివంచితులు
కళాత్మక చిత్రాల వెండితెర దర్శకులకు
కధాంశాలు వీరి బతుకులు
ఉందిలే మంచికాలం ముందుముందునా
అనుకుంటూ ఎదురుచూసే ఆశాజీవులు
ఎందరో ఎందరెందరో …. … !!

- పొన్నాడ లక్ష్మి
చిత్రం : శ్రీ Pvr Murty గారు