తెలుగు వెలుగు: ఒక అందం ఊగుతోంది

18, మార్చి 2018, ఆదివారం

(నా పెన్సిల్ చిత్రం)

ఒక అందం ఊగుతోంది ఆశల ఊయలపై
మదిలోని సందేహాలేవొ పలకరిస్తుంటే..
దాగనంటున్న ఆరాటాన్ని ఒలకబోస్తూ..
వేచిన మనసు కళ్లలోంచి తొంగి చూస్తోంది..

విచ్చుకోని పెదవుల దాగిన మందహాసాలు
మనోహరుని పిలుపుకై మారాము చేయగా
తలపుల విరివానలా దరిచేరిన చిరుగాలి
అంతరంగపు ఆలోచనను అనుసరిస్తోంది..

మదిలోని నెలరాజు అడుగుల సడికై
తనువంతా కనులై ఎదురుచూస్తోంటే
ఒంటరి ఊసుకు తోడొచ్చే సంతోషానికై
మౌనమైన మనసుతో సందేశాలిస్తోంది....

కలలన్నీ నిజమై కనికరించే వేళకై
కాలాన్ని సాగిపోమంటూ వేడుకుంటోంది
రాబోయే వసంతుడిని ఆహ్వానిస్తూ
మమతల గుడిలో మంత్రమై వేచిచూస్తోంది

అనూశ్రీ.... (Pvr Murty బాబాయిగారి చిత్రం...)

తెలుగు వెలుగు