దేశ భాషలందు తెలుగు లెస్స

ఏ భాష సౌందర్య మెల్ల కావ్యములందు
సంస్కృత వాజ్మయ సౌరభమ్ము
ఏ భాష సౌరభ మెల్ల కాలములందు
సంగీత సాహిత్య సాధనమ్ము
ఏ భాష సాధన మింపు సొంపారెడి
మధుర మంజులమైన మాట తీరు
ఏ భాష మాటల నిత్యుక్త రీతుల
అన్య భాషాదరమలరుచుండు
అదియెతెలుగు భాష! అనుమాన మేలరా!
అదియె తెలుగు భాష! ఆంధ్ర భాష !
మహిని కీర్తి గొన్న మనవారి మాటరా!
దేశ భాషలందు తెలుగులెస్స!
---కోదండ రావు..అయ్యగారి..రాజమండ్రి..