25, డిసెంబర్ 2018, మంగళవారం

అద్దమెంత అల్లరిదో..పలుకరించు పదేపదే..!


నా చిత్రానికి మిత్రులు మాధవరావు కొరుప్రోలు గారు రాసిన కవిత. వారికి నా ధన్యవాదాలు.


అద్దమెంత అల్లరిదో..పలుకరించు పదేపదే..!
మెచ్చనీదు అందాలను..ధిక్కరించు పదేపదే..!
ఎంత దిద్దుకోవాలో..ఎఱుకపరచు పలుకకనే..
ముచ్చటాడు సందడినే..సంస్కరించు పదేపదే..!
అర్థమవని భావాలకు..నిఘంటువే తానవునే..
నేను మాటు చిత్రాలను..ఆదరించు పదేపదే..!
విరహాగ్నిని ఊరడించు..నెచ్చెలిగా మిగిలియుండు..
చిరునవ్వుల వేదాలను..చిలకరించు పదేపదే..!
ప్రతిబింబపు మూలాలను..అందించే కోమలిరో..
నిత్యసత్య మౌనసుధను..వెలువరించు పదేపదే..!
నా కలలకు ప్రతిరూపం..ఈ జగమే మాధవుడా..
నీ గజల్ పరిమళములె..కలవరించు పదేపదే..!

8, డిసెంబర్ 2018, శనివారం

నిరీక్షణ - pen sketch



నా pen sketch కి శ్రీమతి పద్మజ చెంగల్వల గారి కవితా స్పందన

నీ కోసమే నిరీక్షణ...
క్షణమొక యుగమాయే..
కలనైనా కానరావాయై..
కనుమరుగైనావే..!!
మనసు తనివి తీరేదెలా.!!
తలపుకి తాళమేసినా...!!
తడుముతునే వుంటుంది.
ముడివడి వీడని గురుతులు
కనురెప్ప చాటున దాగివుండి..
రాలేక ఆగలేక నిలిచిన వైనం
సతమతమై గడిపిన రాత్రులెన్నో..
పెనవేయని బంధం బందీ చేసిందెప్పటికి..
ఎంత విచిత్రం..ఏనాటిదో...!!!
విధి విచిత్రం
చూస్తే ఆగలేక..
తడబడే తపన
నాకెందుకో..
ఎన్నాళ్ళు...!!!



మహామహోపాధ్యాయ ఈమని శంకరశాస్త్రి

  'మహామహోపాధ్యాయ' వైణికుడు ఈమని శంకరశాస్త్రి - నా చిత్ర నివాళి (వివరాలు WhatsApp ద్వారా సేకరణ.. అందించిన అజ్ఞాత వ్యక్తికి నా ధన్...