20, మార్చి 2017, సోమవారం

మరో బాల్యం - Anu Sree - నా పెన్సిల్ చిత్రం


Image may contain: 1 person
>>>>మరో బాల్యం <<<< 
Anu Sree
ఎక్కడో దూరంగా
అలిగి వెళ్ళిపోయింది
అందమైన బాల్యం....
అమ్మ చేతి గారానికి
నాన్న ఇచ్చే తాయిలానికి
మురిసిపోయి సంబరమయ్యే
ఆనాటి చిరు ఆశలు
చిన్ని చిన్ని కోరికలు తీరినవేళ
కేరింతలై తుళ్ళింతలై
ఎగసిపడిన ఆనందాలు అన్నీ
గతకాలపు వైభవాలు........!!
అలిగితే బుజ్జగించే ప్రేమ
కోపం వస్తే లాలించే దీవెన
పొరపాట్లను భరించే సహనం
దోబూచులాటలోనూ దొంగను
కానివ్వని ఆరాటం....
మరెవ్వరూ అందించని ఆప్యాయత.....!!
అన్నీ అందని ఆకాశానికి
రెక్కలు కట్టుకుని ఎరిపోయాక....
ఆ నిర్మలమైన మనసుకై వెతుకుతుంటే
ఎడారిలో వానజల్లై మురిపిస్తూ
మరోసారి మననం అవుతోంది..!!
మన కంటి వెలుగులైన పాపాయిల్లో....
మనసారా మరోసారి ఆస్వాదించమంటూ....
కోరని వరమై వచ్చి కోరిక నెరవేరుస్తోంది...!!
అనుశ్రీ......


కామెంట్‌లు లేవు:

జయహనుమాన్ జయతి బలసాగర!

  జయహనుమాన్ జయతి బలసాగర! ~~~~~~~~🌸🌸🙏🌸🌸~~~~~ 1) ఉ॥ పుట్టుకతోనె కర్ణముల భూషణముల్ యుప వీతమున్, మొలన్  బొట్టము, శీర్షమందు ఘన బొమ్మికమున్,కట...