అందాల పాపాయి - తెలుగు గజల్

ఈ వారం 'బొమ్మలు చెప్పిన గజల్లు' శీర్షికలో శ్రీమతి లక్ష్మి రాయవరపు (గన్నవరపు) గారి గజల్ కి నా  బొమ్మ.

అందాల పాపాయి పెరిగేవు నిదురపో
నిదురలేమీ కళల తరిగేవు నిదురపో

పనిచేసి గరుకైన అమ్మ అరచేతులే
పట్టుపరుపులు నీవు మరిగేవు నిదురపో

పగిలినా పాదాలె పాఠాలు నీకవీ
నేర్పుచు వెన్నలా కరిగేవు నిదురపో

కన్నీటి చెలమలౌ కన్నులే కురిసినా
పన్నీరు జల్లులా తిరిగేవు నిదురపో

బాధలా మునకేసి బతుకు భారముకాగ
బతికె నీ కోసమని ఎరిగేవు నిదురపో

నువ్వె వరమనుకుని బాధలను మరిచెనని
తెలిసి సిరి ‘ఎన్నెల’లు ఛెరిగేవు నిదురపో