మదిభావం॥సిరులు॥

నా చిత్రానికి శ్రీమతి జ్యోతి కంచి రాసిన కవిత.

మదిభావం॥సిరులు॥
-------------------------------------
చిన్ని నవ్వేదో దాచేసుకున్నట్లు
మగని మనసు గుర్తొచ్చినట్లు
వలపు మల్లెలు విరహించినట్లు
కనులు బాసలతో కలహించినట్లు
తేనె పదాలు ఏర్చికూర్చినట్లు
తీగలా హృదిని చుట్టేసినట్లు
కరిమేఘమై కమ్మేసినట్లు
కంటి కాటుకై గిరిగీసినట్లు
అగ్రభాగమై మేన ఒదిగినట్లు
సిరులు మూటగట్టి ముడివేసినట్లు
పెద్దరికమై హుందాగ నవ్వినట్లు
అందమై సంసారబంధమైనట్లు

అవునవును
అచ్చంగా అమ్మాయి అమ్మైనట్లు
ఆమె "సిగ"...