నేనొక చిత్రకారుణ్ణి. నా pencil తో ఎందరో మహానుభావుల చిత్రాలను చిత్రీకరించే భాగ్యం నాకు కలిగింది. వారి చిత్రాలతో ఓ slide తయారు చేసి background లో వారి గీతాలతో youtube లో పోస్ట్ చెయ్యాలనిపించింది. ఇవి నలుగురికీ ఉపయోగపడితో అంతకు మించిన ఆనందం నాకు లేదు.
మహాకవి జాషువ రచించిన 'పాపాయి పద్యాలు' అమరగాయకుడు ఘంటసాల గారి గళంలో వీడియో క్లిక్ చేసి వినండి. ...
బట్ట కట్టడు, బిడియాన బట్టువడడు, ధారుణీ పాఠశాలలో చేరినాడు, (కానీ) వారమాయెనో లేదో మా ప్రకృతి కాంత కరపి యున్నది వీని కాకలియు నిద్ర!
బొటవ్రేల ముల్లోకములు జూచి లోలోన నానందపడు నోరులేని యోగి తల్లి తండ్రుల తనూ వల్లరీ ద్వయికి వ న్నియ పెట్టు తొమ్మిది నెలల పంట అమృతంబు విషమను వ్యత్యాస మెరుగ కాస్వాదింప చను వెర్రిబాగులాడు అనుభవించు కొలంది నినుమడించుచు మరం దము జాలువారు చైతన్య ఫలము
భాష రాదు, వట్టి పాలు మాత్రమె త్రాగు, నిద్రపోవు, లేచి నిలువలేడు .. (చిన్ని నాన్న) ఎవ్వరెరుంగ రితని దేదేశమో గాని, మొన్న మొన్న నిలకు మొలిచినాడు!
గానమాలింపక కన్నుమూయని రాజు అమ్మ కౌగిటి పంజరంపు చిలక కొదమ కండలు పేరుకొను పిల్ల వస్తాదు, ఊయేల దిగని భాగ్యోన్నతుండు ఉ ఊ లు నేర్చిన యొక వింత చదువరి, సతిని ముట్టని నాటి సాంబమూర్తి ప్రసవాబ్ధి తరియించ వచ్చిన పరదేశి, తన ఇంటి క్రొత్త పెత్తనపుదారి
ఏమి పనిమీద భూమికి నేగినాడొ, నుడువ నేర్చిన పిమ్మట నడుగవలయు ఏండ్లు గడచిన ముందు ముందేమొకాని, ఇప్పటికి మాత్ర మేపాప మెరుగడితడు!
1 కామెంట్:
చాల అద్భుతమైన పద్యాలూ అమర గాయకుని స్వరం.....దీనితో శ్రీ పివి ఆర్ గారి అద్భుతమైన చిత్రకళ మహా అద్భుతం...నా అభినందనలు ,,,,,
కామెంట్ను పోస్ట్ చేయండి