మందాక్రాంతము ॥
శ్రీవిఘ్నేశా నినుగొలిచినన్ సెబ్బరల్ బాయవే నా
భావంబందీవునిలువగ సంప్రాప్త మౌలాభ ముల్ యో
దేవా హేరంబ గణపతి !యాధీనమయ్యా జగంబుల్
కావంగన్ నీవగతి మము శుక్లాంబరా ! వక్రతుండా !
ఉ॥
చేటల వంటికర్ణముల చీకులచింతల చెప్పవిందువో
మేటివి బొజ్జనిల్పితివి మేదిని యాదిగగోళకోటులన్
ఏటికినొక్కమారిలకనింద్యుడు మోయగ వచ్చిపోదువే!
దీటుగ రమ్ముస్వామి వ్రత దీక్షల వారిని నుద్ధరింపగా !
సీ॥
గౌరిజేసినబొమ్మ ఘనమైన దేవుండు
తొలిపూజ లొనరింప కలుగు జయము !
పట్టుపుట్టము లేల పసుపు పంచయెజాలు
మట్టి బొమ్మను మెచ్చు మహిత మూర్తి
ఆకులలముజాలు నడుగడు భోగముల్
భక్తితో నొసగగ పత్రి మెచ్చు
పిండివంటల కన్నబియ్యపుండ్రాళ్ళతో
కుడుముల నర్పింప కోర్కెదీర్చు!
ఆ.వె।।
తెలిసి చేయుడయ్య తెలివొంది
తనపూజ
జానడైన రూపె చాలు చాలు
మురుగు నీట ముంచ మ్రొక్కిన ఫలమేమి
తరువు మొదట నుంచ తగవు గాదె !
—————————
ఉమాదేవి జంధ్యాల
( చిత్రం Pvr Murty (పొన్నాడ మూర్తి)గారు
కామెంట్లు లేవు:
కామెంట్ను పోస్ట్ చేయండి