నా చిత్రానికి మిత్రులు రామకృష్న వారణాసి గారి కవిత
కన్న కలలన్నీ అడియాసలు జేస్తూ
నిట్టూర్పులే వెక్కిరిస్తూ నాకు
స్వాగతాలు పలికాయి ఎప్పుడూ!!!
స్వచ్ఛమైన నా ప్రేమకు
నీ ఛీత్కారాలే వినిపించావు!!!
నా జీవితం నీకే అర్పిస్తే
కాఠిణ్యంతో తిరస్కారాలే
మిగిల్చావు నాకు!!!
ప్రతీ క్షణం నీ అనుమతి కోసం
జీవితాన్ని హారతి కర్పూరంలా
కరిగించినా... కనికరంలేకుండా
అడుగడుగునా అవమానాలే
నిర్దయగా నాకు మిగిల్చావు!!!
అన్నీ నీవే అనే భ్రమతో
అనుబంధాలు పెంచుకొంటే,
అదే నా బలహీనతని తెలిసీ
నీ జ్ఞాపకాలే నీడల్లా మిగిల్చావు!!!
కామెంట్లు లేవు:
కామెంట్ను పోస్ట్ చేయండి