1, డిసెంబర్ 2021, బుధవారం

సిరివెన్నెల సీతారామశాస్త్రి


  

భువునుండి దివికేగిన అద్భుత గీత రచయిత సిరివెన్నెల సీతారామశాస్త్రి ప్రతిభాపాటవాలు ఎంత చెప్పినా తక్కువే. ఆ మహనీయునికి నా చిత్ర నివాళి.

డా. ఉమాదేవి జంధ్యాల గారు తన పద్యం, గజల్ రచన ద్వారా ఆ మహనీయునికి ఇలా నివాళి అర్పించారు.

ఉ॥
తీరని లోటుగల్గె నిక తీయని పాటకు చిత్రసీమలో
చేరగ దల్చిబాలుడిని జీవితమున్ త్యజియించి పోతివో
వేరొక రెవ్వరుండిరిట వెల్తిని దీర్పగ సీతరాముడా !
నీరయె గుండె యాంధ్రులకు నిన్నటి మొన్నటి శోకవార్తలన్!

కీ.శే. సిరివెన్నెల సీతారామశాస్త్రి గారికి నివాళిగా ఒక గజల్
~~~~~~~🌺🙏🌺~~~~~~~~~~
సిరివెన్నెల రసఝరిలో నిలువెల్లా తడవనీ!
తరలిపోవు వసంతాన్ని రమ్మనమని పిలువనీ!
వేదాలకు నాదంలా భావానికి నీకలం
కవాతుచేసిన తీరుకు సలామునే చేయనీ !
వెన్నెలుంది పేరుముందు అగ్గిఉంది మాటలో
అభినవశ్రీశ్రీవంటూ ఎలుగెత్తీ అరవనీ !
వెన్నెలకురిసే సూర్యునికమావాస్య ఉండునా!
తెలుగుపాట జాతీయత గుండెలలో ఒదగనీ!
అనేకమున ఏకత్వం గాంచినావు మహర్షీ
మనపాటకు పెద్దపీట దేవతలను వేయనీ!
మజిలీ ముగిసినదిక్కడ బిజిలీవిక గగనాన!
ఏరువాకలా పాటను ఎదఎదలో సాగనీ!
జంధ్యాలా మేలుకొలిపె ఈ రావుఁడు జాతినే!
సాహిత్యపు సేద్యాన్నే అమరులకూ నేర్పనీ !
~~~~~~~~~~~~~~~
డా. ఉమాదేవి జంధ్యాల

ఈ సందర్భంగా సాక్షి దినపత్రిక లో వచ్చిన వివరణాత్మక వ్యాసం ఈ క్రింది లింక్ క్లిక్ చేసి చదవగలరు.

కామెంట్‌లు లేవు:

మహామహోపాధ్యాయ ఈమని శంకరశాస్త్రి

  'మహామహోపాధ్యాయ' వైణికుడు ఈమని శంకరశాస్త్రి - నా చిత్ర నివాళి (వివరాలు WhatsApp ద్వారా సేకరణ.. అందించిన అజ్ఞాత వ్యక్తికి నా ధన్...