కన్నె వయసు లో షర్మీలా టాగోర్ - పెన్సిల్ చిత్రం

షర్మీలా టాగోర్ కి జన్మదిన శుభాకాంక్షలు. ఈమె నటించిన తొలి చిత్రం 'అపూర్ సంసార్'. విశ్వ విఖ్యాత దర్శకుడు సత్యజిత్ రాయ్ ఈ చిత్రంలో ఈమెను పరిచయం చేసారు. అప్పటికి ఈమె వయసు పదిహేను సంవత్సరాలు మాత్రమే. అప్పటి ఫోటో చూసి ఇష్టపడి ఈ బొమ్మ చిత్రీకరించాను.

ఈ బొమ్మ చూసి తన పద్యం ద్వారా మిత్రులు రాజేందర్ గణపురం గారు ఇలా స్పందించారు. వారికి నా ధన్యవాదాలు :

సీ॥నిలువుటద్దము ముందు।నిలబడి వనితలు సవరింతురు కురుల।సంబ రంగ పొడిపొడి తుంపర్లు।పడిపడి జారంగ పొడితుండు గుడ్డతో।తడిని దీసి తలకంటు తైలము।మిలమిల మెరియంగ ఈర్పెనతో దూసి।ఇంపు జేసి పైనొక దానిపై।పాయలను గలిపి అల్లి బిల్లిగనల్లు।నతివ తాను ఆ॥పూల దండ మొదట।ముచ్చటన్ గొలుపంగ చూడ ముచ్చటేయు।సుదతి జడను నర్సపురని వాస।నటరాజ గణమోక్ష విశ్వ కర్మ రక్ష।వినుర దీక్ష