నీ స్మరణ చేయమని - తెలుగు గజల్

Rajeswari Srimallik గారి  తెలుగు గజల్ కి నా పెన్సిల్ చిత్రం 

నీ స్మరణ చేయమని పదమునే వేడితిని
నీ దరికి చేర్చమని పథమునే వేడితిని

నా తపో ఫలము నీ మనసుతో సంగమం
నీ తోడు నివ్వమని వరమునే వేడితిని

మృదువైన మమతలను మదిలోన పేర్చాను
ఇరువురిని కలపమని జగమునే వేడితిని

తొలివలపు వర్ణింప నలవికా దెవ్వరికి
 చరితలో నిలపమని కలమునే వేడితిని

నీ తోటి జతగూడి ప్రణయాన్ని రచియిస్తు
తీయగా పాడమని గళమునే వేడితిని

ఎల్లలే ఎరగనీ సఖ్యతను ఎదనింపి
మనలనే వీడమని ఎడమునే వేడితిని

సహచరుని కవ్వింపు ఓ 'రాజి' మధురమే
కౌగిలిని అడగమని సుఖమునే వేడితిని

@

గజల్ కౌముది