నీ చూపులో మౌనము నీ పిలుపులో దూరము

నా చిత్రానికి హంసగీతి గారి కవిత ః 

// నేను రాసిన మరో పాట...Pvr Murty గారి చిత్రానికి.......నీ చూపులో మౌనము నీ పిలుపులో దూరము // (11)

పల్లవి

నీ చూపులో మౌనము నీ పిలుపులో దూరము
తెలిసాక నిదురే మరిచాయి నాకనులే
విధిరాత అనుకుంటూ విలపించింది నామనసే
ఎవరికెవరు దూరమౌనో
తెలిసేది ఎవరికీ .....మిగిలేది ఏమిటీ ...

చరణం

గారమెందుకు చేశావో నీకైనా తెలుసా
ఎన్ని కలలు కన్నామో గుర్తైనా ఉన్నాయా
నులివెచ్చని ఓదార్పు కోరితే
కన్నీటిని తుడవక కలహించి తరిమావు
నా జ్ఞాపకాలే నిను వీడి పోవు
నీ గుండెలో నిలిచాను నేను
తలచేది ఎవరినీ.......తొలిచేది ఏమిటీ. ........నీ చూపులో మౌనము

చరణం

దూరమెందుకు చేశావో అలిగానని అలుసా
గాయమైనా హృదయాలు నిన్నలలో నిలిచాయా
కనురెప్పగా కాచాలని వేడితే
కంటిపాపనే కాదు పొమ్మన్నావు
నా గుర్తులే నీవు మరిచిపోవు
నీ ప్రాణమై బతికాను నేను
చెప్పేది ఎవరికీ........చేసేది ఏమిటీ.. .......నీ చూపులో మౌనము

హంసగీతి
20.1.17