మొదటి వారం

Pencil sketch - మొదటి వారం -
కవిత - courtesy Sri Vemuri Mallik

ప్రతీ నెలా మొదటివారం..
ఇచ్చుకోళ్ళతో మాసారంభం..
తెచ్చుకోళ్ళకే తిరుగుడనంతం..
పాలబిల్లు..పేపరు బిల్లు..
కేబులు బిల్లు..నిర్వహణ బిల్లంటూ..
బిల బిలా బిల్లు బిల్లంటూ జనాలు..
మందుల చిట్టా కిరాణ చిట్టా..
కాఫీ పొడంటూ గాస్ బుక్కంటూ..
బియ్యానికి గడువంటూ ఇల్లాలు..
బాంక్ కెళ్ళి గీకి గీకి తెచ్చుకున్న డబ్బులు..
పెన్నుతో గీసి కొట్టేసే లెక్కలు..
పోదుపునేర్చుకొమ్మంటూ రంకెలు..
తినేప్పుడు సద్దుకోరు..
తెచేప్పుడు ఆరాలంటూ..
ముక్తాయింపులు..
నూని చూసి వాడంటూ భర్తగారి డబాయింపులు..
వేళ్ళమధ్య సిగరెట్టు కేసి ఇల్లాలి వంకర చూపులు..
అబ్బబ్బా మధ్యతరగతి జీవులు..
అమ్మోయ్ నెల మొదటివార పీడితులు..!!