Pencil sketch - గజల్ courtesy Jyothi Kanchi
బ్రతుకువీణపై మీటాలంటే సహనపుసరిగమ అవసరమేగా!!
జీవనరాగమె పాడాలంటే ఓరిమిపదనిస అవసరమేగా!!
జీవనరాగమె పాడాలంటే ఓరిమిపదనిస అవసరమేగా!!
కష్టంవెనుకనె గట్టొకటుందని పెద్దలుచెప్పిన సుద్దులువినుకో
సుఖాలపానుపు చేరాలంటే బాధలబడలిక అవసరమేగా!!
సుఖాలపానుపు చేరాలంటే బాధలబడలిక అవసరమేగా!!
సంద్రపునవ్వుల గవ్వలుఏరుతు ఆవలిఒడ్డుకు మార్గమెవెదుకూ
మదిలోమువ్వలు మోగాలంటే ప్రశాంతవీచిక అవసరమేగా
వేదన శోధన చక్రాలౌతూ జీవితజట్కా సాగేనెపుడూ
నేర్పుగనడుపుట తెలియాలంటే పగ్గంకదలిక అవసరమేగా!!
మదిలోమువ్వలు మోగాలంటే ప్రశాంతవీచిక అవసరమేగా
వేదన శోధన చక్రాలౌతూ జీవితజట్కా సాగేనెపుడూ
నేర్పుగనడుపుట తెలియాలంటే పగ్గంకదలిక అవసరమేగా!!
ఆశలపల్లకి మోసేతెరువరి కోర్కెలసమరమె ఆగదుఎపుడూ
భ్రమరపురెక్కలు ఆగాలంటే మధువులసుమలత అవసరమేగా!!
భ్రమరపురెక్కలు ఆగాలంటే మధువులసుమలత అవసరమేగా!!
జీవితమెపుడూ గులాబి-ముళ్ళను సత్యమునిపుడే తెలిపెను 'జ్యోతీ'
వెన్నెలకాంతులు మెరవాలంటే చీకటివేదిక అవసరమేగా!!.
వెన్నెలకాంతులు మెరవాలంటే చీకటివేదిక అవసరమేగా!!.
కామెంట్‌లు లేవు:
కామెంట్‌ను పోస్ట్ చేయండి