ముషాయిరా గజల్

ముషాయిరా గజల్. 

(నా చిత్రానికి శ్రీమతి గుడిపూడి రాధికారాణి రాసిన ముషాయిరా గజల్ - పుస్తక పఠనం తగ్గి mobiles, laptops రోజులివి. పుస్తకం గతకాలపు వైభవమే మరి)

గతకాలపు వైభవమే పొగిడినదీ మానసమే
చిరకాలపు ప్రాభవమే తలచినదీ మానసమే

పుస్తకమే హస్తమొదిలె ఫోనులవే రోజులాయె
ఆ కమ్మని రచనలెన్నొ తవ్వినదీ మానసమే

ఆటలేవి? అల్లరేది? ఈతలేవి? ఊసులేవి?
నేటి బతుకురీతులకే కుమిలినదీ మానసమే

అతివేగము.. అదుపుతప్పె వాహనమా? బతుకు కూడ
సురక్షితపు పయనమునే వేడినదీ మానసమే

వయసువరస పాటింపక పెరుగుచుండె నేరాలూ
మంచుకొండ శీతలమై వణికినదీ మానసమే

గురువులనే గేలిచెయకు తరువులనే తెగనరకకు
మరల మంచి భవిత కోరి విరిసినదీ మానసమే

పాతపాట హాయిగాను పాడుకుంది రాధికమ్మ
నేటి పాట హోరునకే హడలినదీ మానసమే******************************

గుడిపూడి రాధికారాణి(11.7.2018)