నేను పడిపోతిని - గజల్

నా రేఖా చిత్రానికి మిత్రురాలు లక్ష్మి రాయవరపు గారి తెలుగు గజల్ :

కారుమబ్బు కమ్మినపుడు బెదిరి నేను పడిపోతిని

కన్ను చూపు తగిలి మనసు చెదిరి నేను పడిపోతిని.. 

నేలతల్లి పరచినదీ ఎర ఎర్రని చీరచెరగు

తనకు నాకు బంధమేదొ కుదిరి నేను పడిపోతిని..

నవ్వులన్ని మాలకట్టి వేచానూ నీ కొరకే

కనుల ముందు నిన్ను చూసి అదిరి నేను పడిపోతిని...

ఆకసాన పయనించుచు నవ్విరెవరొ నన్ను చూసి

తళుకు బెళుకు నాకంటగ పొదిరి నేను పడిపోతిని 

వలపు వాన జల్లాయెను కొండ కోన వాగు వంక

కన్ను మిన్ను ఎన్నెలలే ముదిరి నేను పడిపోతిని