నువ్వూ నేనూ కలసి
పువ్వులో తావిలా - తావిలో మధువులా!
నువ్వటే నువ్వటే - పువ్వు విరిసిన వయసు - నవ్వులలమిన సొగసు
రువ్వి నా ఎదపైన - చివ్వునంతర్హివే - నువ్వటే నువ్వటే !
నువ్వటే నువ్వటే - కవ్వించి నా కాంక్ష - త్రవ్వించి నా కళలు
ఉవిళ్ళుగొన మనసు - దవ్వైతివే దెసల్ - నువ్వటే నువ్వటే
నువ్వటే నువ్వటే - జవ్వనీ ప్రణయినీ - మువ్వంపు వగలాడి
అవ్వరు ముద్ది మా - నవ్వుతూ నను వదలి
రివ్వురివ్వున మిన్ను - పవ్వళిపయితివే - నువ్వటే
మనసు మనసులో లేనప్పుడు
Dr. Sobha Naidu, Kuchipudi Exponent - My pencil sketch
డా. శోభానాయుడు (1956-14th October 2020)
దేశం గర్వించదగ్గ నాట్యకారిణి పద్మశ్రీ డా.శోభానాయుడు. పురుషులు మాత్రమే కూచిపూడి నృత్యాన్ని ప్రదర్శిస్తున్న కాలాన్ని దాటుకుని వచ్చి.. మహిళలు సైతం కూచిపూడి ఘన పతాకను రెపరెపలాడించగలరని నిరూపించిన కళాకారిణుల్లో అగ్రేసర విదుషీమణి ఆమె! అభినయానికి నిలువెత్తు సాక్షి సంతకం శోభానాయుడు. ఆమె నాట్య ప్రస్థానంలో.. సాత్వికాభినయానికి చిరునామాగా నిలిచే నృత్యరూపకాలెన్నో!
జగమెరిగిన కూచిపూడి నాట్యాచార్యులు డా.వెంపటి చినసత్యం దగ్గర గురుకుల పద్ధతిలో పాఠాలు నేర్చుకున్నారు శోభానాయుడు. నాట్యకారిణిగా ఆమె చేయని ప్రయోగం లేదు. ఎక్కని వేదికా లేదు. కూచిపూడి అంటే శోభానాయుడే అన్నంత పేరు తెచ్చుకున్నారు. అనంతరం, తన నాట్య సంస్థ ‘శ్రీనివాస కూచిపూడి ఆర్ట్‌ అకాడమీ’ ద్వారా అనేక మందిని తీర్చిదిద్దారు. శిష్య ప్రశిష్యులు పదివేల పైచిలుకే! వారంతా అమెరికా, యూరప్‌, రష్యా వంటి దేశాల్లో కూచిపూడి నాట్య వైభవాన్ని చాటుతున్నారు. గురువు పేరు నిలబెడుతున్నారు.
అభినయ ప్రదర్శనలో శోభానాయుడు దిట్ట. సంప్రదాయ పద్ధ్దతిలో అనేక నాట్యప్రదర్శనలిచ్చారు. భామాకలాపం, శ్రీకృష్ణ పారిజాతం వంటి రూపకాల్లో ఆమె అభినయం సత్యభామను ప్రత్యక్షం చేస్తుంది. సంభాషణలు లేకుండానే, హావభావాలతో రసానుభూతిని కలిగిస్తాయి ఆమె పాత్రలు! శోభానాయుడు పదిహేను పైచిలుకు నాట్యరూపకాలకు దర్శకత్వం వహించి నిర్మించారు! కళ్యాణ శ్రీనివాసం, శ్రీకృష్ణ శరణం మమ, విప్రనారాయణ, ‘జగదానంద
కారక..’గా జగద్విఖ్యాతమైన త్యాగరాజ రామాయణం, నవరస నటభామిని, సర్వం సాయిమయం, భగవద్గీతాసారమైన సంభవామి యుగేయుగే, విజయోస్తుతే నారీ, స్వామి వివేకానంద.. ఆమె దర్శకత్వం వహించిన రూపకాల్లో కొన్ని. ఇవేకాకుండా, నూటికిపైగా ’సోలో’ ప్రదర్శనలను రూపొందించి ప్రచారం చేశారు. జాతీయ అంతర్జాతీయ వేదికలపైన నృత్య ప్రదర్శనలిచ్చిన శోభానాయుడు వాగ్గేయకారుల కీర్తనలను విరివిగా ప్రచారం చేశారు. తిరుమల నాదనీరాజనం వేదికగా అనేక ప్రదర్శనలిచ్చారు. పలుకుతేనెల తల్లి, అలరులు కురియగ, తగునయ్య హరి.. వంటి కీర్తనలను ఆమె ప్రదర్శించినప్పుడు అలమేలు మంగమ్మను ప్రత్యక్షంగా చూసిన అనుభూతి కలిగేది ప్రేక్షకులకు.
సంప్రదాయరీతిలో సాగిన శోభానాయుడు నృత్యప్రదర్శనలన్నీ ఒక ఎత్తయితే, రవీంద్రనాథ్‌ టాగోర్‌ రచన ‘చండాలిక’ మరొక ఎత్తు. అస్పృశ్యతను నిరసించే ఆ బెంగాలీ రచనను.. యస్వీ భుజంగరాయ శర్మ నృత్యానికి అనుగుణంగా అనువదించారు. అందులో అంట రానియువతి పాత్రలో.. చండాలికగా శోభానాయుడు నర్తించిన తీరు ప్రేక్షకులతో కంట తడి పెట్టిస్తుంది. అంటరానితనాన్ని మించిన అకృత్యం లేదనే గొప్ప సందేశాన్నిస్తుంది! ఈ రూపకాన్ని కొన్ని వందలసార్లు ప్రదర్శించి, సమసమాజ నిర్మాణానికి నాట్యం ద్వారా కృషి చేశారు శోభానాయుడు. కూచిపూడికి అంకితం కావాలనే దృఢ సంకల్పంతో సినిమా అవకాశాలను కూడా త్రుణప్రాయంగా వదులుకున్నారు ఆమె. లేకపోతే, కె.విశ్వనాథ్‌ దర్శకత్వంలోని ఓ చిత్రంలో కథానాయికగా కనిపించేవారు. భారత ప్రభుత్వం నుంచి ఆమె పద్మశ్రీ పురస్కారాన్ని అందుకున్నారు. ఈ శాస్త్రీయ నృత్య చూడామణి ప్రదర్శనను తిలకించడానికే సృష్టికర్త పైలోకాలకు రప్పించు కున్నాడేమో!
పొట్టి శ్రీరాములు తెలుగు విశ్వవిద్యాలయం నుంచి గౌరవ డాక్టరేట్‌, తిరుమల తిరుపతి దేవస్థానం నుంచి సంగీత విద్వన్మణి, తమిళనాడు కృష్ణగానసభ నుంచి నృత్య చూడామణి.. వంటివి శోభానాయుడు అందుకున్న పురస్కారాల్లో కొన్నిమాత్రమే!
-- గంధం బసవశంకరరావు
Courtesy ; Namaste Telangana
- గంధం బసవ శంకరరావు
తలపుల_దొంతులు కవిత courtesy శ్రీమతి పద్మజ చెంగల్వల (line drawing by me)
తడిపొడి జ్ఞాపకాల పందిళ్ళలో తనివితీరా తడిసిన.....తమకపు మోహం ..
అలవోకగా జారుతోంది..
బుగ్గన చుక్కై..!!!
..
మనసెప్పుడో మూతపడిపోయింది...
చిరునామా మరచెపోయింది..!!
..
పరుగు పందెల్లో గెలవడమే జీవితమా..?
ఇంతకీ నీది గెలుపా...నాది ఓటమా...?
మనసునో మాటు తట్టి చూడు...!!!
ఒంపేందుకు ఏమి లేవంటోంది కదూ...!
..
..
చుక్కల పందిరి కింద జ్ఞాపకాల తవ్వకాలు..!
చీకటి హత్తుకున్న రాత్రికి కాపలాగ.. కళ్ళకి..కలలకి
..
..
మురిసిన మబ్బులు...
మసకేసిన మబ్బులు
పరచుకున్న మబ్బులవిరులు...
..
కొన్ని ప్రేమలంతే
మనసుకు మాటలు నేర్పి..
మౌనిలా మారిపోతుంది
..
..
వలపు ముంగిట్లో..
ముచ్చట్లాడే ముంగురులు..
వలదన్నా .. వద్దన్నా వినవు కదా..!!
@@ **@@
#memoriesforever-stacked up....!!!!
***
Amused to drench lusciously under the web of memories..found a way to touch the epitome.
Doors to the inner self were sealed long ago.. Lost the way too..!!
In the game of life...
Did winning only counted ??
Who Won the race..?
Ohh..Is it yours ..
Did I loose?
Make a conversation within...
.. "it's nothing but emptiness"..!!
Under the blanket of a starry night...!
Memories strewn all around were dug again to reminiscence those candid moments...
to hug the eeriness of the dark and to safe guard the lucid dreams...!!!
Joyful windy pristine beauties of the azure canvas...Smeared to shower the ecstasy...
Billowed the canopy to grab the celestial beauties within...!!
The "Love".. whispers the innate subtleness to bloom...and gently ushers away in to a weird silence. ..!!
Making the moments to freeze.
In the cozy corners, musings often exude, converse, engage and trepid all around...
Not caring for the rejection..!!!
Hum and buzz..."You are mine"...!!!
Padmaja Chengalvala
నేను చాలా అభిమానించే వ్యక్తి దర్శక నిర్మాత గురుదత్. వీరి గురించి మిత్రులు Dr. Prasad Kvs గారి అందించిన వివరాలు. చాలా విషయాలు తెలిసినవే కాని తెసినకొద్దీ తెలుసుకోవాలనే ఓ గొప్ప సినిమా దిగ్గజం గురుదత్. Dr. Prasad గారికి నా ధన్యవాదాలు.
వక్త్ నే కియా క్యా హసీ సితం!
పాలగుమ్మి పద్మరాజు రచయిత - పెన్సిల్ స్కెచ్ పాలగుమ్మి పద్మరాజు ( జూన్ 24 , 1915 - ఫిబ్రవరి 17 , 1983 ) ప్రముఖ తెలుగు రచయిత, కేంద్ర సాహిత్...
