Pencil sketch
నా చిత్రానికి ఆనూశ్రీ కవిత Courtesy facebook dated 14th October, 2019.
మనసు మనసులో లేనప్పుడు
మనసు మనసులో లేనప్పుడు
మాటలన్నీ అపార్ధాల మూటలవుతాయ్
భావాల దొంతరలన్నీ విషాదగేయాన్నే ఆలాపిస్తూంటాయ్....
హృదయం వేదన పదం జపిస్తుంటే
నిరాశలన్నీ నిశీధులై చుట్టేస్తుంటాయ్ ...
దుఃఖాన్ని పారద్రోలగా చేసే యత్నాలన్నీ
ఫలించని కలలై నిదురని దోచేస్తుంటాయి.
నదులై పారిన కన్నీళ్ళు సైతం
చిరునవ్వును పూయించలేక
నలిగిన హృదయపు పొరల్లో
ఇంకి పోతుంటాయి...
ఆలోచనల సరళిమారి
స్థిమిత పడిన మరునిముషం...
పంజరాన్ని వీడిన పక్షుల్లా
బాధలన్నీ నింగికెగసే తారలవుతాయి..
సహనం నీడలో మరింత దృఢమై సమస్యలపై సంధించే
అస్ర్రాల అమరికలో
నిమగ్నమవుతుంది మది
కామెంట్లు లేవు:
కామెంట్ను పోస్ట్ చేయండి