ఒక side కి తిరిగి చూస్తున్న ముఖారవిందాన్ని profile view అంటారు. అలా చూస్తున్న ఓ అందమయిన అమ్మాయి photo reference గా తీసుకుని పెన్సిల్ తో వేసుకున్న బొమ్మ ఇది. ఈ బొమ్మ కి చక్కని తెలుగు గజల్ అందించిన శ్రీమతి ఉమాదేవి ప్రసాద్ రావు జంధ్యాల గారికి ధన్యవాదాలు.
నిదురచెడ నిశిరేయి కలలోన కనిపించు
వదలమని బతిమాల ఒడిలోన పవళించు
వదలమని బతిమాల ఒడిలోన పవళించు
చిరునవ్వుతోతాను చిత్తమే దోచాడు
సిగ్గేయు కోరికలు చెవిలోన వినిపించు!
సిగ్గేయు కోరికలు చెవిలోన వినిపించు!
రథమెక్కి వస్తాడు రాణినీవంటాడు
చేతిలో చెయ్యేసి వనిలోన విహరించు!
చేతిలో చెయ్యేసి వనిలోన విహరించు!
అంతలో జాబిల్లి నూయలగ తెస్తాడు
శౌర్యమే చేయుప్రతి పనిలోన కనిపించు!
శౌర్యమే చేయుప్రతి పనిలోన కనిపించు!
నవలలో నాయకుడు కవితలో ప్రేమికుడు
వీరాధివీరుడే బరిలోన అనిపించు!
వీరాధివీరుడే బరిలోన అనిపించు!
ఎవరినీ నన్నొక్క మాటఅననీయడే
మురిపాలు వలపుదోసిలిలోన తాగించు!
మురిపాలు వలపుదోసిలిలోన తాగించు!
నాపేరు శ్వాసించు నాకొరకె జీవించు
నేనేది అడిగినా తృటిలోన తెప్పించు!
నేనేది అడిగినా తృటిలోన తెప్పించు!
ఊర్వశివి నీవంటు కవితలే రాస్తాడు
ప్రేమసుమములనునా సిగలోన పూయించు!
ప్రేమసుమములనునా సిగలోన పూయించు!
1 కామెంట్‌:
చాలా చాలా బాగుంది.
కామెంట్‌ను పోస్ట్ చేయండి