నిశ్శబ్దం

నిశ్శబ్దం ( నా చిత్రానికి అనూశ్రీ కవిత ) 

గలగల కబుర్లలో
మురిసిన మనుషుల మధ్య
మాటలు కరువవుతున్నాయంటే
దూరమయ్యే క్షణం
అతి చేరువయ్యిందేమో.....

మాటల మధ్య పేరుకుంటున్న
సుదీర్ఘ నిశ్శబ్దం
హెచ్చరికేదో జారీచేస్తున్నట్టుంది
పంచుకునేందుకు నేడు
మనసు సిధ్ధంగా లేదని...

అరమరికలు లేక కలబోసుకున్న
అలనాటి అనుభూతులు
నిరీక్షణలో విసిగి నేడు
మౌనాన్ని తొడుగుతున్నాయేమో

ఒంటరితనంలో సేదతీరడం
ఆలోచనలతో సహవాసమే
అలవాటులా మారాక
తోడు రాని మనుషులకై ఆరాటమెందుకని

ఆ పాత మధురాలు అందేవి కావిక అని కాలం బోధిస్తూ మదిని
మరిపిస్తుందేమో మరి ఇలా...

అనూశ్రీ....