 |
నిశ్శబ్దపు మేఘం
అప్పుడప్పుడు ఆకాశం నిండా
మబ్బులు పట్టినట్టు,
మనసంతా ఏదో దిగులు కమ్మేస్తుంది..
నొప్పించే ఏ చిన్న భావన
మదిలో మెదిలినా...
ఆలోచనలు చుట్టూముట్టి
అచేతనంగా మార్చేస్తాయి...
ఆవహించిన దిగులు మేఘం వెనకాల
ఓ చిన్న యుద్ధమే జరుగుతుంది..
అందుకే చిరునవ్వులు చిందాల్సిన పెదవులు
మౌనాన్ని కట్టబెట్టుకుంటాయి ..
కాసింత సమయమే...
నిశ్శబ్దపు మేఘం కరిగి..
చిరుజల్లు కురిపించగానే
మళ్ళీ విరిసిన మందారమై
దరహాసాలు విరబూయదా..!!
అనూశ్రీ
(నా చిత్రానికి ఆత్మీయ మిత్రురాలు రచించిన కవిత)
కామెంట్‌లు లేవు:
కామెంట్‌ను పోస్ట్ చేయండి