చెంగును నడుమున దోపుకు

నా pencil చిత్రానికి 'హంసగీతి' గారి కంద పద్యములు

చెంగును నడుమున దోపుకు
ముంగిట ముగ్గులను బెడుచు ముప్పొద్దుల నే
బొంగరము భంగి తిరుగుచు
చెంగున బంగళ పనులను జేయుచు నుంటిన్!!

శుచిగా మడిగట్టుకు నే
పచనము జేయగ శ్రమించి పలువంటలనే
రుచికరములనుచు నను మె
చ్చుచు తిందువె లొట్టలేసి చొక్కుచు నకటా!!

పట్టించుకోవె మగడా
నట్టింటను గూలబడితి నలకను బడుచున్
పట్టెను నాకాలు బెణికి
పట్టియు సవరించలేవ బాధను దీర్చన్!!