నా చిత్రానికి మిత్రులు మాధవరావు కొరుప్రోలు గారి రచించిన గజల్. వారికి నా ధన్యవాదాలు.
కలలను మోసే..కన్నులు వరమే..!
వీడని ఊహల..ఊసులు వరమే..!
వయసుకు అలజడి..జ్ఞానము కొఱకే..
తీరని మోహపు..వీధులు వరమే..!
అనుభవ సారం..రేపటి మార్గం..
ఎఱుకను నిలిపే..తలపులు వరమే..!
తొందర పాటుకు..కలవరపాటే..
ముచ్చట గొలిపే..వలపులు వరమే..!
బ్రతుకే నిప్పుల..కుంపటి ఎపుడూ..
తెలుసుకు వేసే..అడుగులు వరమే..!
తియ్యని బోధలు..తోచును చేదుగ
మాధవ గజలున..మెఱుపులు వరమే..!
కామెంట్‌లు లేవు:
కామెంట్‌ను పోస్ట్ చేయండి