మధురవాణి

 

కన్యాశుల్కం 'మధురవాణి'

మిత్రులు రజా హుస్సేన్ గారు నా చిత్రానికి facebook లో రాసిన అద్భుత వ్యాసం. వారికి నా కృతజ్ణతలు.

*సాని ' దానికి మాత్రం నీతుండొద్దా ?

‘మధురవాణి ' నోట గురజాడ ' సుభాషితం !!

గురజాడ వారు ఏ ముహూర్తాన “ కన్యాశుల్కం "నాటకం రాశాడో కానీ,ఆంధ్రదేశంలో దాని ప్రకంప

నలు ఇంతవరకూ తగ్గలేదంటే అతిశయోక్తికాదు. అందుకే ‘కన్యాశుల్కం‌'నాటికీ ,నేటికీ దృశ్యకావ్యం

గా నిలిచివుంది. మరోవందేళ్ళయినా ఈ నాటకం

సజీవంగానే వుంటుంది. నాటకంలోని నాటిసామా

జిక సమస్య ఇప్పుడు లేదు.ఈ సమస్య సమసి

పోయిచాలా కాలం అయింది.అయినా,ఈనాటకం

ఇప్పుడు కూడా ఎవర్ గ్రీన్ గా వుందంటే దానికి

ప్రధాన కారణంనాటక కర్త ఇందులోని. పాత్రల్ని మలిచిన తీరు.!

కన్యాశుల్కం అనగానే నిలువెత్తు గిరీశం పాత్ర

మన కళ్ళముందు నిలుస్తుంది.అయితే “మధుర

వాణి "పాత్రే ఈ నాటకంలో సూత్రధారిలా కనిపి

స్తుంది. గిరీశం మాయలో పడి గురజాడ మధుర

వాణిని కాస్తంత నిర్లక్ష్యం చేశారనిపిస్తుంది.నాటకం ఆసాంతంలో ఆమె వ్యక్తిత్వాన్ని పరిపూర్ణంగా ఆవి

ష్కరించలేక పోయారు గురజాడ. అలాగని‌ పూర్తి

గానిర్లక్ష్యం కూడా చేయలేదు.మన చేతికి ....

"తీగ” ఇచ్చి, ఇక మీ ఓపిక.(లాగినోళ్ళకిలాగి

నంత ) ఊహించుకున్నోళ్ళకి 'ఊహించుకున్నం

త'అన్నట్లుమధురవాణిని తాకీ తాక కుండా చిత్రించారనిపిస్తోంది.

ఏదైతేనేం ?.....నా దృష్టిలో మధురవాణి

"జీనియస్ " లోకం తీరు తెలిసిన జాణ.!

కరటక శాస్త్రి ఆమెను “త్రిలోక సుందరి “ గా వర్ణిం

చడాన్ని బట్టి ఆమె అందచందాల్ని అంచనా..... వెయ్యొచ్చు".సొగసు కత్తెల అలకలో కూడా అదో శృంగారం “ అని రామప్ప పంతులన్నాడంటే ... మధురవాణి ఎంత'సొగసైన'దోఊహించుకోవచ్చు

ఆమె అంత అందగత్తె కాబట్టే శిష్యుడు మధుర

వాణి “ నవ్వులో పట్టుబడాలని “ శిష్యుడు కోరు

కోవడంలో పెద్ద ఆశ్చర్యం లేదు.ఇక మధురవాణికి చదువు కూడా వుంది.గిరీశం దగ్గర కొంతకాలం ఇంగ్లీషు నేర్చుకోవడం వల్ల ఆమెకు విద్య కూడా వుందని నిర్థారించొచ్చు. ఆమెకు కేవలం ఇంగ్లీషే కాదు..సంస్కృతంలోని ‘ మృచ్ఛకటికం 'కూడా తెలుసన్న విషయం నాటకం చదివిన వారికెవరి

కైనా తెలుస్తుంది.’బుద్ధిమంతురాలైన తల్లి తర్ఫీ

దు వల్ల ఆమె విద్యావతి అయిందన్న ప్రస్తావన వుంది.” మా తల్లి ధర్మమా అని ,ఆమె నా చెవిలో గూడు కట్టుకొని బుద్ధులు చెప్పబట్టి “ తానింత దానైనట్లు" మధురవాణే చెబుతుంది.

ఇవన్నీ ఓ ఎత్తయితే ..లో మధురవాణి వ్యక్తిత్వం ఒక యెత్తు.కన్యాశుల్కం నాటకంలో కులానికి తక్కువైనాగుణానికి ఎంతో యెక్కువ. ఈ నాట

కంలో మధురవాణి కీలకమైన పాత్రే కాదు....! మొత్తాన్ని ఓ మలుపు తిప్పిన పాత్ర.ముఖ్యంగా ఆమె లౌక్యం గురించి చెప్పుకోవాలి.

గిరీశం కథను తారుమారు చేయాలని చూసినపు

డు ఆమె 'చక్రం ‘ అడ్డువేసి బుచ్చమ్మను ప్రమాదం

నుంచి కాపాడుతుంది.మరో మాట నాటకంలో పాత్రల మధ్య 'చిక్కు'వేసేది ఆమే,'చిక్కు ‘ విడగొ

ట్టేది ఆమే.రామప్ప పంతులు లౌక్యాన్ని, , కరటక శాస్త్రికార్యాలోచనను,గిరీశం సమయ స్ఫూర్తిని మిక్స్ చేసి గ్రైండర్ లో వేసి నూరితే వచ్చిందే ' మధురవాణి ' పాత్ర.!

‘వేశ్య'అనగానే చులకన,హేయ భావం స్ఫురిస్తుం

ది.సమాజంలో వేశ్యలది అథమస్థానం. అయితే మధురవాణిని చూసిన వారు ‌మాత్రం ‌ ఈ అభి

ప్రాయాన్ని ఖచ్చితంగా మార్చుకుంటారు.మధుర

వాణి వృత్తి చేత వేశ్య. అవకాశం వున్న మేరకు విటులవద్ద నుంచి‌సొమ్ము లాగుతుంది.అదివేశ్యా

ధర్మం.అంత మాత్రం చేత మధురవాణికి దయా

దాక్షిణ్యాలు సున్న అని తలవరాదు వేశ్యల్ని చుల

కనగాక చూసేవాళ్ళకు మధురవాణి మంచి చురకే అంటించింది.

"వేశ్య అనగానే అంత చులకనా ! పంతులు గారు .? సానిదానికి మాత్రం నీతి వుండొద్దా ?

అంటూ...ఎదురు ప్రశ్నిస్తుంది.

అసలు ఈ పాత్ర సృష్టి కర్త గురజాడ వారి అభి

ప్రాయం ఇది.గురజాడ వారు 1909 లో వంగ

వోలు ముని సుబ్రహ్మణ్యం కు రాసిన లేఖలో... వేశ్యల పట్ల తన అభిప్రాయాన్ని కుండబద్దలు కొట్టినట్లు చెప్పారు.

"వేశ్యలో మానుషత్వాన్ని మరిచిపోకండి. ఆమె

సుఖదుఃఖాలు మీవిగాని,నావిగాని అయిన సుఖ

దుఃఖాలకుప్రాముఖ్యతలో తీసిపోవు.సంఘంలో లెక్కలేని వ్యభిచారులైనా భర్తలు,భార్యలూవున్నా

రు.స్పష్టంగా తన వృత్తిని తెలియబరిచే వేశ్య...

వారందరికన్నా అథమురాలెట్లా అవుతుంది?

పైగా వేశ్య ఏ వివాహ ప్రమాణాన్నీ భగ్నంచేయడం

లేదు వీళ్ళవలె.”.!!

పై అభిప్రాయంతోనే మధురవాణి పాత్రను గుర

జాడ సృష్టించారు.అంతే కాదు కన్యాశుల్కం

నాటకంలో మధురవాణి పాత్రకు ఎంత పెద్ద పీట వేశారో చూడండి.

"మధురవాణి అంటూ ఒక వేశ్యాశిఖామణి

యీకళింగ రాజ్యంలో వుండకపోతే భగవంతు

డి సృష్టికి ఎంత లోపం వచ్చి వుండును‌".

అని ఓ సందర్భంలో... కరటక శాస్త్రి చేత చెప్పిస్తాడు గురజాడ.

మరి సానిది అంటే ...ఒళ్ళమ్ముకునేదేనా?

సానిదానికి మాత్రం ప్రేమ ,వలపు వుండదా?

అంటేదానికీ మధురవాణినే ఉదాహరణగా నిలబెట్టాడు గురజాడ. సౌజన్యారావును

మనసు పడుతుంది.ప్రేమిస్తుంది‌ మధురవాణి.

అయితే తన ప్రేమను వలపును వ్యక్తీకరించడా

నికి వృత్తి న్యూనత అడ్డొస్తుంది.అందుకే మనసులో ఇలా అనుకుంటుంది మధురవాణి.” సానిదాని వలపు మనసులోనే మణగాలి “.!!

మధురవాణికి మనసూ,రూపం మాత్రమే కాదు.

స్నేహం ,ప్రేమా కూడా వున్నాయి.శృంగారం వన్నె

చెడినదగ్గర్నుంచి బంగారం కదా తేటుతేవాలి?

ఆ బంగారాన్ని కరటక శాస్త్రికి ధారపోసింది.ఆమె స్నేహం ఎన్ననేల? ఇక వలపా? పాపం ఆమెకి

బ్రతుకే లేదు.హెడ్డు కానిస్టేబుల్ దగ్గర్నుంచి సౌంజ్ఞ చేసేవాడే.అసిరిగాడి దగ్గర్నుంచి పంతులు ఇంట్లో లేనప్పుడల్లా కనిష్టీబు మధురవాణితో వుంటాడ

ని చెప్పి నానా... యాగీ పెట్టే వారే.ఈగల్లాగ ముసి

రే మగరాజులందరిలోనూ ఆమె హృదయాన్ని చూరగొన్నది ఒక్క కరటకుడి శిష్యుడుమాత్రమే.!

"ఈ చిల్లంగి కళ్ళు నీకేదేవుడిచ్చాడని ",?

వాడ్ని ముద్దు పెట్టుకుంటుంది మధురవాణి.

సౌజన్యారావును పట్టి మంచిదాన్ననిపించుకుంది.

మొత్తానికి ' సానిదానిక్కూడా నీతి వుంటుందన్న' విషయాన్ని గురజాడవారు. 'మధురవాణి ' పాత్ర

ద్వారా బహుచక్కగా ఎస్టాబ్లిష్ చేశాడు గురజాడ.

*దటీజ్ గురజాడ !!

చిత్రం...పొన్నాడ మూర్తి.

*ఎ.రజాహుస్సేన్!

హైదరాబాద్.

"ఎంత మాత్రమున ఎవ్వరు తలచిన, అంతమాత్రమే నీవు" - అన్నమయ్య కీర్తన

అన్నమయ్య కీర్తన "ఎంత మాత్రమున ఎవ్వరు తలచిన, అంతమాత్రమే నీవు" _డా. Umadevi Prasadarao Jandhyala

గారి వివరణతో

చిత్రం : పొన్నాడ మూర్తి

————

ఓం నమో వేంకటేశాయ

ఒక ప్రార్థన పద్యం

ఉ॥

స్వాంతము పొంగ కన్గవకుఁబండువుగాగ ప్రభూ విలాస విక్రాంత పరావరాలయముఁబ్రహ్మ ముఖామర పూజితంబు దు

ర్దాంత దురంత దుఃఖములఁగ్రన్నన మాన్పుచు భక్తపాళికిన్

సంతసమిచ్చు నీ చరణసారసమున్ దరిసించుటెన్నడో !

(శ్రీ ముదివర్తి కొండమాచార్యులు)

అన్నమయ్య కీర్తన లిరిక్స్

~~~~~~~~~~~~~~~

ప॥ఎంత మాత్రమున ఎవ్వరు తలచిన, అంతమాత్రమే నీవు

అంతరాంతరములెంచి చూడ, పిండంతేనిప్పటి అన్నట్లు

చ॥

కొలుతురు మిము వైష్ణవులు, కూరిమితో విష్ణుడని

పలుకుదురు మిము వేదాంతులు, పరబ్రహ్మంబనుచు

తలతురు మిము శైవులు, తగిన భక్తులునూ శివుడనుచు

అలరి పొగడుదురు కాపాలికులు, ఆది భైరవుడనుచు

సరి మిమ్ముదురు సాక్తేయులు, శక్తి రూపు నీవనుచు

దరిశనములు మిము నానా విధులను, తలుపుల కొలదుల భజింతురు

సిరుల మిమునే అల్పబుద్ది, తలచినవారికి అల్పంబగుదవు

దరిమల మిమునే ఘనమని తలచిన, ఘనబుద్ధులకు ఘనుడవు

నీవలన కొరతే లేదు మరి నీరు కొలది తామరవు

ఆవల భాగీరధి దరి బావుల ఆ జలమే ఊరినయట్లు

శ్రీ వేంకటపతి నీవైతే మము చేకొని వున్న దైవ(ము)మని

ఈవలనే నీ శరణనిఎదను, ఇదియే పరతత్వము నాకు!

కీర్తనకు చిత్రము వేసిన శ్రీ PVR మూర్తిగారికి ధన్యవాదములు.

తెలిసినంత మేరకు నా వివరణ

*******************

స్వామీ! నీటికొలది తామర వలే మా ఆలోచనలను బట్టే మాకు భగవత్తత్త్వము అర్ధమౌతుందంటూ అన్నమయ్య ఈ కీర్తనలో ‘చేసుకున్న వారికి చేసుకున్నంత’అనే నానుడి గుర్తు చేస్తూ పరతత్త్వాన్ని బోధిస్తున్నాడు।

ఎవరు ఏరూపులో నిన్ను చూడదలిస్తే ఆ రూపులో కనబడతావు. ఎవరు ఎంత మాత్రం తలిస్తే అంత మాత్రమే భగవత్ప్రసాదం అందిస్తావు. నది దగ్గరకు మనం ఏపాత్ర తీసికొని వెళితే ఆపాత్ర వరకే నీరు తెచ్చుకోగలిగినట్లు నిన్నెంతమాత్రం పూజిస్తే అంత ఫలితం పొందుతాము. పిండికొద్దీ రొట్టె అన్నట్లు మా నమ్మకం కొద్దీ, మా భక్తికొద్దీ ఫలితం అందించే వాడవు నీవు.

వైష్ణవులు మనసారా నిన్ను విష్ణువని పూజిస్తారు.వేదాంతులు పరబ్రహ్మ అంటారు. శైవులు శివుడవని, శాక్తేయులు శక్తి స్వరూపమని, కాపాలికులు ఆదిభైరవుడని నిన్ను తలుచుకుంటారు. ఏపేరుతో పిలిచినా, ఏతీరుగా పూజించినా తలచినవారికి తలచినట్లు, కొలిచిన వారికి కొలిచినట్లు దర్శనమిచ్చే స్వామివి. అల్పబుద్ధులకు వారి ఆలోచనకు తగినట్లే ఉండగలవు. ఘనమైన బుద్ధిగలవారికి ఘనుడవుగానే ఉంటావు. నీ లోపం కాదది. గంగానది ప్రక్కనున్న బావులలో ఉండేది గంగాజలమే కదా. అదే విధంగా మాకు చేరువైన దైవము వేంకట పతి అయినప్పుడు, నిన్నే శరణు కోరినప్పుడు మాలో ఉండేది నీవే. ఇదే పరతత్వము .

~~~~~~~~~~~~~~

డా.ఉమాదేవి జంధ్యాల

 

ఏమని చెప్పఁగవచ్చు నిదివో నీ ప్రతాపము రామ రామభద్ర సీతారమణ సర్వేశ -- అన్నమయ్య కీర్తన

 

ఏమని చెప్పఁగవచ్చు నిదివో నీ ప్రతాపము రామ రామభద్ర సీతారమణ సర్వేశ            //పల్లవి // 

వెరవున హరువిల్లు విరుఁగఁ దీసిననాఁడే అరయ విరిగె వీపు లసురలకు వరుస వనవాసపు వ్రతము వట్టినపుడె పరులమతుల భీతి వట్టె రఘురామ         //ఏమని // 

వచ్చి నీవు దండకావనము చొచ్చిననాఁడే చొచ్చిరి పాతాళ మసురలెల్లాను ముచ్చటాడి చుప్పనాతిముక్కు గోసిననాఁడే కొచ్చి దైత్యు లాసదెగఁ గోసిరి శ్రీరామ        //ఏమని // 

అడరి మారీచుపై నమ్ము విడిచిననాఁడే విడిచిరి దానవులు వేడుకలెల్లాను బడి విభీషణునిఁ జేపట్టితే రక్కసులెల్లా చిడిసి మల్లెవట్టిరి శ్రీవేంకటరామ              //ఏమని //

 

భావము : 

ఉపాయముతో నీవు శివధనుస్సును విఱిచినపుడే వీరులైన రాక్షసుల వెన్నెముకలు విఱిగిపోయాయి. వనవాసం చేయుట అనే వ్రతానికి నీవు పూనినపుడే శత్రువులైన అసురుల మనస్సులలో భయం జనించింది. 

నేర్పుతో దండక అనే అడవిలోనికి నీవు ప్రవే శించినపుడే రక్కసులు భీతిచెంది బలిచక్రవర్తి నివాసమైన పాతాళం చేరి దాగుకొన్నారు. 

అవక తవకగా మాటాడిన సూర్పణఖ  పొడుగుపాటి ముక్కును నీవు తెగగోయించినపుడే దుర్మార్గులైన దానవుల ఆశలన్నీ తెగిపోయినవి. విజృంభించి నీవు మారీచునిపై బాణం వేసిననాడే దైత్యులు తమ సంబరములు మాని వేసినారు. శరణాగతుడైన విభీషణునికి నీవు ఆశ్రయ మొసగినపుడే ఓ సీతా పతీ !శ్రీనివాసా !దనుజులకు చీడ పట్టినది. 

(భావమూలము :విద్వాన్ ముదివర్తి కొండమాచార్యుల వారి అమృత సారము) అన్నమయ్య సంకీర్తన సంఖ్య 281సంపుటం 4 స్వర కర్త :శ్రీ జోశ్యభట్ల రాజశేఖర శర్మ గారు/ 

(కీర్తన SVBCTTD APP వారి సౌజన్యంతో )

చిత్రాలు : పొన్నాడ మూర్తి 

ఈ క్రింది లింక్ క్లిక్ చేసి ఈ కీర్తనను అద్భుతంగా గానం చేసిన చి. జొన్నలగడ్డ శ్రీకర్ గొంతులో వినవచ్చును.

https://www.youtube.com/watch?v=LQHnCTorloU

ధన్యవాదాలు 

 

 

అరియకుడి రామానుజ అయ్యంగార్ - కర్ణాటక గాత్ర సంగీత విద్వాంసుడు

Charcoal pencil sketch

అరియకుడి రామానుజ అయ్యంగార్ (19 మే 1890– 23 జనవరి 1967 --  కర్ణాటక గాత్ర సంగీత విద్వాంసుడు. ఇతడు పాడటంలో సరికొత్త శైలిని అభివృద్ధి చేశాడు. దానిని అరియకుడి సంప్రదాయంగా అతని శిష్యులు అనుసరిస్తున్నారు. ఇతడు కర్ణాటక సంగీత కచేరీలలో నూతన పద్ధతులను స్థిరపరిచాడు.

1954లో ఇతనికి సంగీత నాటక అకాడమీ ఫెలోషిప్ లభించింది. 1958లో భారత ప్రభుత్వం ఇతనికి పద్మభూష్గణ్ పురస్కారం  ఇచ్చి సత్కరించింది.

ఇతడు తమిళనాడు రాష్ట్రంలోని కరైక్కుడి జిల్లా (ప్రస్తుతం శివగంగై జిల్లా) అరియకుడి పట్టణంలో 1980, మే 19 న జన్మించాడు.  ఇతడు మొదట పుదుక్కోటై మలయప్ప అయ్యర్, నమక్కల్ నరసింహ అయ్యర్‌ల వద్ద విద్యనభ్యసించాడు. తరువాత పెక్కు సంవత్సరాలు పట్నం సుబ్రమణ్య అయ్యరు శిష్యుడు పూచి శ్రీనివాస అయ్యంగార్ వద్ద శిక్షణ పొందాడు

ఇతడు తన మొదటి ప్రదర్శన 1918లో త్యాగరాయ ఆరాధనోత్సవాలలో ఇచ్చాడు.

కర్ణాటక సంగీత దిగ్గజం సెమ్మంగుడి శ్రీనివాస అయ్యర్ ఇతని గురించి ఇలా పేర్కొన్నాడు. "నేను అరియకుడి రామానుజ అయ్యర్ చేత చాలా ప్రభావితమయ్యాను. నేను ఇతనిలా పాడగలిగితే చాలు. నాకు ఇక పునర్జన్మ అక్కరలేదు". మరొక విద్వాంసుడు జి.ఎన్.బాలసుబ్రమణియన్ ఇతడు ఎదురు పడితే భక్తితో సాగిలపడి సాష్టాంగ నమస్కారం చేసేవాడు. ఇతడు మృదంగ కళాకారుడు పాలఘాట్ మణి అయ్యర్‌తో కలిసి అనేక కచేరీలు చేశాడు. ఇరువురికీ ఒకరి పట్ల మరొకరికి గాఢమైన స్నేహంతో పాటుగా గౌరవం ఉండేది. చెంబై వైద్యనాథ భాగవతార్, అరియకుడి రామానుజ అయ్యంగార్ ఇద్దరూ తన రెండు కళ్ళని పాలఘాట్ మణి అయ్యర్ చెబుతుండేవాడు.

(సౌజన్యం ః వికీపీడియా)

 

ఆకటి వేళల అలపైన వేలల తేకువ హరినామమే దిక్కు మరి లేదు - అన్నమయ్య కీర్తన

ఈ వారం అన్నమయ్య కీర్తన - ఆకటి వేళల అలపైన వేళలను :

చిత్రం : పొన్నాడ మూర్తి

సహకారం : శ్రీమతి Ponnada Lakshmi.

ఆకటి వేళల అలపైన వేళల

తేకువ హరినామమే దిక్కు మరి లేదు

కొఱమారియున్న వేళ కులము చెడిన వేళ

చెఱవడి వొరుల చేజిక్కినవేళ

వొఱపైన హరినామమొక్కటే గతి గాక

మఱచి తప్పిననైన మఱి లేదు తెరగు

ఆపద వచ్చిన వేళ ఆరడి బడిన వేళ

పాపపు వేళల భయపడిన వేళ

వోపినంత హరినామ మొక్కటే గతి గాక

మాపు దాకా పొరలిన మరిలేదు తెరగు

సంకెల బెట్టిన వేళ చంప బిలిచిన వేళ

అంకిలిగా నప్పుల వారాగిన వేళ

వేంకటేశు నామమే విడిపించ గతినాక

మంకు బుద్ది పొరలిన మరిలేదు తెరగు

భావం :

విశ్వాత్ముడు, విశ్వేసుడు, విశ్వమయుండైన ఆ విధాత తప్ప అన్యులెవరూ మనల్ని కష్టాల నుంచి, కన్నీళ్ళ నుంచి తప్పించలేడు. ఆర్తితో ఒక్కమారు ఆ ఆపద్బాంధవుణ్ణి వేడుకుంటే చాలు. ఎన్ని బాధల బంధాల నుంచైనా విడుదల చేయించగలడు.

అదే విశ్వాసాన్ని అన్నమయ్య ఈ కీర్తనలో పరమాత్ముని ప్రార్ధించాడు.

ఆకలిగా ఉన్నవేళ అలసిపోయిన వేళ ఇలా ఎప్పుడైనా ఆ శ్రీహరి నామమే మనకు శరణ్యం. ఆ దివ్య నామమే “తేకువ” అంటే ధైర్యమని గుర్తుచేస్తున్నాడు.

‘కొరమాలి ఉన్నవేళ, కులము చెడిన వేళ … అన్న చరణంలో ఎందుకూ కొరగాని దుస్ఠితి దాపురించినప్పుడు, కులము చెడినప్పుడు, ఇతరుల చెరలో చిక్కి కష్టాలు అనుభవిస్తున్నప్పుడు, ఒరపైన అంటే ప్రకాశవంతమైన శ్రీహరి నామమే శరణమని, అంతకు మించిన మార్గమే లేదని ఆంటున్నాడు అన్నమయ్య.

ఆపద వచ్చిన వేళ ఆరడి పడిన వేళ .. అనే చరణంలో అహంకారాన్ని విడిచి బాధ్యతనంతా ఆ భగవానుడిపైనే వేస్తే తనే మన చెయ్యి పట్టుకుని నడిపిస్తాడు అని అన్నమయ్య భావన.

"సంకెళబెట్టిన వేళ చంపబిలిచిన వేళ" .. ఈ చరణంలో సంకెళ్ళు వేసినా, చంపడానికి శత్రువులు దరిదాపులోకి వచ్చినా, పాప పుణ్యాలనే అప్పులు తీర్చమని కాలపురుషుడే అడ్డంగా నిలబడినా ఆ దీనబాంధవుడైన వేంకటేశుని నామమే గతియని, దానిని వదలి మంకుబుధ్ధితో అంటే మూర్ఖత్వంతో ఎంత ప్రయత్నించినా మరో దారి లేదని ముగుంపు పలుకుతున్నాడు అన్నమయ్య,

(శ్రీమతి బి. కృష్ణకుమారి గారి వ్యాఖ్యానం ఆధారంగా)

1Sudershanacharya Tulasi

Like

Comment

Share

0

 

ఎస్ ఎస్ వాసన్ - జెమినీ సంస్థ అధినేత - బహుముఖ ప్రజ్ఞాశాలి

Pen sketch 

బహుముఖ ప్రజ్ఞాశాలి, పద్మభూషణ్, జెమిని సంస్థ అధినేత S. S. Vasan (1904-1969) (pen sketch).

వీరి గురించి టూకీగా :

సుబ్రమణ్య శ్రీనివాసన్, సినీ నామధేయం ఎస్.ఎస్.వాసన్, జెమినీ స్టూడియోస్ అధినేత. . తన రెండు సంవత్సరాల వయస్సులో తండ్రి మృతిచెందినా కృంగిపోలేదు. వాసన్ ఆలోచనలకు పేదరికం అడ్డంకి కాలేదు. ఒకొక్క అడుగూ ముందుకువేస్తూ పలు రంగాల్లో ఉన్నత శిఖరాలను అందుకున్నాడు. వీరు తెలుగు, తమిళ, హిందీ భాషల్లో పలు విజయవంతమైన చిత్రాలు నిర్మించాడు.
'పద్మభూషణ్' పురస్కారం అందుకున్నాడు. భారత ప్రభుత్వం వీరి గౌరవార్ధం తపళాబిళ్ళ విడుదల చేసింది.

చాల ముందు చూపు కల వ్యక్తి, దానికి చక్కటి ఉదాహరణ ఒకటి ఉంది.
ఇప్పుడు మనం చూస్తున్న, అమెజాన్, ఫ్లిఫ్కార్ట్, లాగా 1925 లోనే పోస్టల్ మార్కెటింగ్ ఏజెన్సీ ఒకటి స్టార్ట్ చేసి, ఎవరికి ఏ వస్తువు కావాలన్నా, పోస్ట్ ద్వారా సప్లై చేసే వారు. అంటే ఇప్పుడు మనం చూస్తున్న ఆన్ లైన్ మార్కెటింగ్ లాగా, పోస్టల్ మార్కెటింగ్ అన్న మాట. అసలు సినీ పరిశ్రమకు ఏమి సమబంధం లేని వాసన్ గారు జెమినీ స్టూడియో స్థాపించడానికి వెనుక కూడా ఒక ఆసక్తికరమయిన కధ ఉంది. ” ఆనంద వికటన్ ” అని పత్రిక స్థాపించిన వాసన్ గారికి కొంత మంది సినీ పరిశ్రమకు సంబంధించిన వారితో పరిచయాలు ఏర్పడ్డాయి. 1941 లో అగ్ని ప్రమాదానికి గురి అయి నష్టాలలో ఉన్న” “మోషన్ పిక్చర్స్ ప్రొడ్యూసర్స్ కంబైన్స్” అనే స్టూడియో వేలానికి వచ్చింది,

ఆ స్టూడియో ను వాసన్ గారు 86 ,425 రూపాయలకు కొన్నారు. వాసన్ గారు ఆ స్టూడియో కి “జెమినీ స్టూడియో” అని నామకరణం చేసారు. అప్పట్లో వాసన్ గారు చాల తరచు గ గుర్రపు పందాలకు వెళుతుండే వారట, అయన తన ఫేవరెట్ గుర్రం ” జెమినీ స్టార్ ” అనే గుర్రం మీద పందెం కాసే వారట, ప్రతి సారి ఆయనకు విజయమే, భారీ మొత్తం లో డబ్బులు గెలిచే వారట. ఆలా గెలిచిన డబ్బుతోనే స్టూడియో కొన్నారని,అందుకే తన లక్కీ హార్స్ పేరును స్టూడియో కి పెట్టారు అని ఒక కధనం. కానీ వాసన్ గారు “మిధున రాశి” కి చెందిన వారు కావటం తో తన స్టూడియో కి జెమినీ అని పేరు పెట్టారు అంటారు మరి కొందరు. విజయ వంతమయిన చిత్రాలకు మారు పేరుగ మారారు, ఎంతగా అంటే శ్రీ శ్రీ వంటి మహా కవి, ” సినిమా బాగా నడిస్తే వాసన్, లేకుంటే ఉపవాసన్ ” అని నిర్మాతల గురించి చమత్కరించేటంత.

(సేకరణ : ఇక్కడా అక్కడా)