ఘంటసాల - నివాళి

ఈనాడు అమర గాయకుడు ఘంటసాల గారి జయంతి. వారికి నా నివాళి. గతంలో నేను వేసుకున్న  ఘంటసాల వారి పెన్సిల్ చిత్రం. వారి గురించి మన కవులు ఏమన్నారో చూడండి మరి !!

అతడు కోట్ల తెలుగుల ఎద
అంచుల ఊగిన ఉయాల
తీయని గాంధర్వ హేల
గాయకమణి ఘంటసాల --    సి.నారాయణరెడ్డి

ఘంటసాలవారి కమనీయ కంఠాన
పలుకనట్టి రాగభావమేది!
ఘంటసాలవారి గాన ధారలలోన
తడియనట్టి తెలుగు టెడద యేది!  --  దాశరథి

అతడు ప్రసన్న మధుర భావార్ద్రమూర్తి
సరస సంగీత సామ్రాజ్య చక్రవర్తి
లలిత గాంధర్వ దేవత కొలువుదీరు
కలికి ముత్యాలశాల మా ఘంటసాల  --  కరుణశ్రీ