సిగ్గేస్తదోయ్ బావ సిగ్గేస్తదీ
మొగ్గలేను ఒగ్గలేను
మొగమెత్తి చూడలేను “సిగ్గే”
పచ్చికా బయలులోన
మచ్చికగా మనముంటే
సిగ్గులేని చందమామ
చాటుగుండి చూస్తాడు “సిగ్గే”
రెప్పలార్పకుండా ని
న్నెప్పుడైనా చూస్తినా
టక్కులాడి చుక్కలన్ని
ఫక్రుమని నవ్వుతాయి “సిగ్గే”
గుట్టుగా చెట్టుక్రింద
గుసగుసలు చెప్పుకుంటే
చెట్టుమీది పిట్టలన్ని
చెవులు నిక్కబెడతాయి “సిగ్గే”
ఎందుకో అందరికి
ఇంత ఈసుమనమంటే
ఎవ్వరూ చూడలేని
ఏడకైన ఎళదాము “సిగ్గే”
కామెంట్లు లేవు:
కామెంట్ను పోస్ట్ చేయండి