🌹 కనులు కనులే ఊసులాడే కాముడేదో చేసెనే
మనసుపొరలో అలజడేదో తీపిగాయం చేసెనే
🌹 పలుకు వినకే క్షణము యుగమై వేచిచూసే మౌనమే
దరికిచేరగ కనులుమెరిసీ కోరికేదో మెదిలెనే
🌹మనసులోనా బొమ్మనీదే గీసి కనులే నవ్వేనే
నిముసమైనా కానరాకా కంటినీరే కురిసెనే
🌹వలపుచూపి మాయమైతే ఓపలేనుర ప్రియతమ
నీవువచ్చే దారిగాచీ వెతికి కనులే అలసెనే
🌹 ప్రణయగాథ అతిశయమ్మని నమ్మలేదుగ ఎప్పుడూ
కోరుకుంటే వలపు ఊబే మునుగుతుంటే తెలిసేనే
🌹 ప్రేమలోనే శక్తివుందా క్షమాగుణమే నేర్పగ
దక్కలేదనీ చింతవలదని ఆశతోనే నిలచెనే
🌹వలపు చివురే మరలవేసి నీరాకతో పూసెనే
మిన్నునంటే సంతసాలే నిన్నేవరమై పొందెనే
కామెంట్లు లేవు:
కామెంట్ను పోస్ట్ చేయండి