డా. Umadevi Prasadarao Jandhyala గారి గజల్ కి నా చిత్రం. ఉమాదేవి గారికి నా కృతజ్ఞతలు.
గజల్ -- ( అంత్యప్రాస )
~~~~~~~~~
నవ్వకే నాచెలీ ఎద గుబులు చెందగా !
ఆ నవ్వు మత్తులో ననునేను మరువగా !
పూసే గులాబీలు చెక్కిళ్ళపై చూడు
వ్రాసేను ఎదపైన ఓకవిత కమ్మగా !
ఎంచకే దోషాలు నమ్మవే నామాట
పంచవా నీ ప్రేమ రేబవలు తీయగా !
తేటినని అనుకోకు నినువీడి పోనులే
మనసులో మనసునై ఉందునే తోడుగా
ఏనాటి బంధమో కసిరినా మరలనే
నీమేని గంధమై నిలుతునే చల్లగా !
నాదేవి నీవనీ గుడికట్టి గుండెలో
దీపాలు వెలిగింతు కలలన్ని పండగా !
నాహృదయరాజ్ఞివై నాసేవలందుకో
సూర్యచంద్రులె సాక్షి , ఉంటాను జంటగా ! !
~~~~~~~~<
కామెంట్‌లు లేవు:
కామెంట్‌ను పోస్ట్ చేయండి