నా చిత్రానికి డా. ఉమాదేవి ప్రసాదరావు జంధ్యాల గారి గజల్
నీవలపుల నావపైన ప్రేమాంబుధి దాటేస్తా !
నాతలపుల తేరుపైన గగనసీమ తాకేస్తా!
నీరాకను తెలిపెనులే గాలిలోని పరిమళమే
ఈలవేసి నీసరసకు తూనీగై వచ్చేస్తా!
చిరుజల్లును ఎడారిపై కురిపించావిన్నాళ్ళకు !
హరితానికి ప్రతీకనై భువిని తొలిచి మొలిచేస్తా!
కన్నులలో సంధ్యారుణ కాంతులేల ఓచెలీ
నీకోసం వెన్నెలనే మేలిముసుగు చేసేస్తా!
హృదయానికి ఉదయాలను చూపించిన ప్రేమమయీ
ముదమారగ దరికొస్తే బ్రతుకుపోరు గెలిచేస్తా!
చల్లనివెన్నెల లైనా సలసలమరిగింతువులే
విషమైనా నువ్విస్తే మధువనుకొని తాగేస్తా !
ఓదేవీ నీవులేని స్వర్గం నాకెందుకులే
నీప్రేమకు దాసుడినై దివినైనా వదిలేస్తా!
~~~~~~~~~
డా. ఉమాదేవి జంధ్యాల
చిత్రం-శ్రీ Pvr Murty గారు
కామెంట్లు లేవు:
కామెంట్ను పోస్ట్ చేయండి