తెలుగు చిత్రసీమలో నాటికీ నేటికీ తిరుగులేని హాస్యనటుడు 'రేలంగి'.. వారి మహత్తు గురించి టూకీగా నా స్నేహితులు నేను చిత్రీకరించిన 'రేలంగి' వారి చిత్రానికి చక్కటి పద్య స్పందన ఇచ్చారు. వారికి నా ధన్యవాదాలు.
కం.
రేలంగి హాస్య చతురత
కాలము గడచినను తలుప కడుపుబ్బించున్
రేలంగే నారదుడన
రేలంగియె సుబ్బిశెట్టి లేరిల సాటిన్
(నా చిత్రానికి మిత్రులు శ్రీ వేంకటేశ్వర ప్రసాద్ గారు రచించిన పద్యం)
నా చిత్రానికి చక్కని పద్యాలు రాసిన మిత్రులు, 'పొన్నాడ వారి పున్నాగవనం' వనమాలి డా. Vijayavenkatakrishna Subbarao Ponnada గారికి నా ధన్యవాదాలు)
'హాస్యరంగ' మందు 'ఔరా' యని , జనులు
మురిసి పోదు రయ్య , మొగము జూడ !
లేడు సమము నీకు ! లేడురా , 'రేలంగి' !
నిముసమయిన చాలు నిండు మనసు !
'గిరిజ' నీకు తోడు గిలిగింతలిడగాను ,
'ఇల్లరికము' లోన ఎంత హాయి !
'సూర్యకాంత' మున్న చూడ ముచ్చటగును !
నటన కాదు సుమ్మి నగవు లూట !
ఆటవెలది : హాస్యానికే హాస్యం నేర్పిన శ్రీ 'రేలంగి ' గారి జన్మ దిన సందర్భాన నా ఆటవెలదుల నివేదన
కామెంట్‌లు లేవు:
కామెంట్‌ను పోస్ట్ చేయండి