శ్రీమతి హంసగీతి గారి గజల్ కి నా బొమ్మ
లలిత యామిని కరగకుండా ఒదిగిపోనా ఈక్షణమిలా
కలల కౌముది చెదరకుండ కరిగిపోనా ఈక్షణమిలా
నీవునేనుగ నేను నీవుగ ఒకరికొకరిగ జతగచేరగ
తనువు లతలా అల్లుకుంటూ మురిసిపోనా ఈక్షణమిలా
మౌనరాగం మీటుతున్నది కౌగిలింతల కానుక నడిగి
శృతులు పాడే విపంచికనై నిలిచిపోనా ఈక్షణమిలా
మమత లన్నీ చిలుకుతున్నవి ప్రణయబంధపు ముడులువేస్తూ
మరులు గొలిపే ప్రేమమధువుగ అందిపోనా ఈక్షణమిలా
దిగులు మబ్బులు కరుగుతుంటే మెరుపునగవుల జల్లు కురిసే
ప్రేమధారల చినుకుతడిలో తడిసిపోనా ఈక్షణమిలా
తమకమేదో కమ్ముతున్నది చిలిపిముద్దుల సంతకాలకు
గువ్వలాగా గుండెగూటిని చేరిపోనా ఈక్షణమిలా
తనువు తపనల సరాగాలను పాడుతుంటే'హంసగీతీ'
ప్రేమ ఒడిలో రసికరాజ్ఞిగ మారిపోనా ఈక్షణం.
(తెలుగు గజల్ 'హంసగీతి' గారి సౌజన్యంతో)
కామెంట్లు లేవు:
కామెంట్ను పోస్ట్ చేయండి