ఆటవెలది పద్యాలు

నా చిత్రాలకి చక్కని ఆటవెలది పద్యాలు రచించిన శ్రీమతి పద్మజ మంత్రాల కి నా శుభాశీస్సులు.

 #ఆటవెలది#

సందెప్రొద్దు వేళ స్నానమాడి పిదప
నేతచీర గట్టి నీటుగాను
విరుల సరములల్లె విరిబోణి సొగసుగా
కురులయందు తురుముకొనుట కొరకు!

----------------------------------------------------------------------------------------------------------

#ఆటవెలది#
ఉసురు పోసి మనల కొక రూపమందించు
నామె పంచు ప్రేమ కంతు లేదు!
అవని వంటి సహన మమ్మకే సాధ్యమౌ
నిలను జనని సాటి యెవరు లేరు!

-------------------------------------------------------------------------------------------------------------

#ఆటవెలది#
కనులు మూయగానె కనిపించి గతమేదొ
కలలు చెదిరిపోయె కలికి కకట!
మరపురాని బాధ చెరుగుచుండ మదిని
నిదుర దూరమాయె కుదురు లేక!