మోనాలిసా చిత్రం తో నన్నే పోలుస్తున్నా ,
కిన్నెరసానివే అంటూ కనులారా వీక్షిస్తున్నా ,
నండూరి ఎంకిలా వుందంటున్నా ,
వరూధినీని తలదన్నే ప్రతి రూపాన్నే నేనంటున్నా .....
నీ అలసిన గీతలతో
నా సొగసు రూపు రేఖలు మార్చావు .
నీ గజి బిజి ఆ 'లోచనలు'
నా జిగి బిగి కనుమరుగయ్యేలా చేసావు.
వన్నె తగ్గిన వర్ణాలతో
ప్రౌఢ వయసు మరకలు అంటించావు.
ఊహల్లో కూడా బ్రతకనియ్యవా
నే అలిగితే నీకు కోపం
"చిత్రం"గా మార్చింది నీ శాపం .
✍️లక్ష్మీ అయ్యగారి
Pvr murty అంకుల్ చిత్రానికి
కూర్చి పేర్చిన అక్షరాలు
కామెంట్లు లేవు:
కామెంట్ను పోస్ట్ చేయండి