ఎవరు వ్రాయగలరు....
'అమ్మ' అను మాటకన్నా
కమ్మని పదం!!
ఎవరు పాడగలరు....
'అమ్మ' అనురాగము కన్నా
తీయని రాగం...
'అమ్మే' గా తొలిగా నేర్చుకున్న
మధుర పలుకు...
అది 'తెలుగే' అయినా...
మరే భాష అయినా.!
'అమ్మే' గా తొలి స్వరం..
ప్రాణమనే పాటకు..
అవతారమూర్తి అయినా...
అణువంతే పుడతాడు..
'అమ్మ' ప్రేవు పంచుకొన్నాకే..
అంతటివాడు అవుతాడు...
నీ వెంతటి ఘనుడవైనా...
నీ చిరునామా 'అమ్మే' సుమా...
మరొక 'అమ్మ' కు....
'అమ్మే' గా జన్మనిచ్చేది..!
'అమ్మ' లాలి పాటతో ఎదిగావు...
'అమ్మ' చేయి పట్టి..
నడక నువ్వు నేర్చావు..
దీనుడవైనా..
ధీరుడవైనా...
'అమ్మ' ఒడి ఒక్కటేగా....
'అమ్మ' ని మరిచిన వాడు..
మృతునితో సమానం..
#రామకృష్ణ_వారణాసి
13-03-2021
చిత్రం :: శ్రీ పొన్నాడ మూర్తి 🙏🌹
కామెంట్లు లేవు:
కామెంట్ను పోస్ట్ చేయండి