సింహాచలం సంపెంగలు

 

#కందము#
ముచ్చటగ సంజె వేళకు
పచ్చని సంపంగి విరులు పరిమళములతో...
విచ్చగనే హాయి గొలుపు
వెచ్చని తలపులు మనసున వేడుక చేయున్!

సంపెంగల గురించి శ్రీమతి పద్మజ మంత్రాల చక్కని పద్యం రచించారు. 

సంపెంగలు అంటే సింహాచల క్షేత్రం గుర్తుకొస్తుంది. ఇక్కడ సంపెంగలు చాలా ప్రసిధ్ధి. కొండ మీద సంపెంగ చెట్లు కూడా ఉన్నాయట. 

.

సింహాచలం మా ఇంటినుండి రెండు కిలోమీటర్ల దూరంలో ఉంది. ఓ వృధ్ధురాలు రోజూ మా ఇంటికి వచ్చి సంపెంగలు ఇచ్చి వెళ్తుండేది. మాకు తోచిన డబ్బులు ఇచ్చి, కాస్త ఊరగాయ ఇస్తే చాలు చాలా సంతోషపడేది. పద్మజ గారి పద్యం చదివాక మాకు ఆ రోజులు గుర్తుకొచ్చాయి.

సింహాచలం అప్పన్న స్వామికి భక్తులు సమర్పించిన విరాళాలతో దేవస్థానం అధికారులు స్వర్ణ సంపెంగలు తయారు చేయించారు. 96 మంది దాతలు సమర్పించిన రూ.82 లక్షలతో మొత్తం 132 స్వర్ణ సంపెంగ పుష్పాలను తయారు చేయించారు. ప్రస్తుతం ఆలయంలో ప్రతి గురు, ఆదివారాల్లో స్వర్ణ సంపెంగ పుష్పార్చన నిర్వహిస్తారు.