మనసుని మీటే రాగం నీవే - తెలుగు గజల్

RVSS Srinivas గారి గజల్ కి నా బొమ్మ

మనసుని మీటే రాగం నీవే అయితే చాలు

కన్నుల తొణికే స్వప్నం నీవే అయితే చాలు 

ఊహలలోనే గుండెను తడిపే చెలమవి చెలియా

వలపును జల్లే మేఘం నీవే అయితే చాలు

మోహము పెంచే సుందర రూపం నీదే కాదా

కాముడు పట్టిన చాపం నీవే అయితే చాలు

కాలం గుచ్చే ములుకులతోనే గుండెకు గాయం

బాధను తీసే బాణం నీవే అయితే చాలు

కవితల కన్నెకి అక్షర హారతి పడుతున్నానూ

నా రచనలలో భావం నీవే అయితే చాలు

ముసిరిన చీకటి వేడుక చేసెను ఒంటరి మదిలో

నిశలను చీల్ఛే వెన్నెల ఖడ్గం నీవే అయితే చాలు

అమాస చాయలు దూరం చేయును వె’న్నెలరాజా’

వాకిట వెలిగే పుంజం నీవే అయితే చాలు