నా విరహపు పూదోటలో పూబంతివి నీవేగా
నా తలపుల మైమరపుల సీమంతివి నీవేగా
మూసివున్న కన్నులతో నీ ఊహలో నేనుంటే
కౌగిలిలో హత్తుకున్న చేమంతివి నీవేగా
ఏకాంతపు నాకలలకు ఊపిరులే పోస్తుంటే
ప్రేమలతో పరవశింపు కలహంసివి నీవేగా
మిన్నంటే నీప్రేమే ఆలంబన అవుతుంటే
నామదిలో కొలువుండే లలితాంగివి నీవేగా
తొలిచూపులో మదిచేరిన నీకోసమే పలవరింత
మధుర’వాణి’ వినిపించే కలకంఠివి నీవేగా
(వాణీ వెంకట్ గారి గజల్ – గజల్ సుమాలు
పుస్తకం నుండి సేకరణ
Sketch : Ponnada Murty, Image creation :
Rani Reddy)
కామెంట్‌లు లేవు:
కామెంట్‌ను పోస్ట్ చేయండి