ఎదురుచూపు - పెన్సిల్ చిత్రం

అజంత భావన గారి గజల్ కి నా పెన్సిల్ స్కెచ్

ఎదురుచూపు తరగలన్ని కన్నులలో కూలిపడెను

కలలుకనే ఘడియలన్ని వేకువలో కూలిపడెను

ఆత్మీయత కురిపించగ పలుకుకెంత ఆరాటమొ

నీవురాక మాటలన్ని పెదవులలో కూలిపడెను

నీ జాడలు కొరకువెతికి నా పదములు అలిసినవీ 

నినుచేరక అడుగులన్ని దారులలో కూలిపడెను

నీ పిలుపుల నాదస్వర రాగముకై నే కాచుకుంటి

గర్జించిన మేఘరవళి చినుకులలో కూలిపడెను

కలతనిండి మనసేమో మూగదాయె "అజంతా"

నెరవేరని ఊహలన్ని నిజములలో కూలిపడెను