అదిగో ఆ నవ్వే నన్ను కట్టి పడేసింది
విసిరే ఆ చూపే కనుగొట్టిపడేసింది
కదిలే అలలా నువు ఎటో కదిలిపోతుంటే
వలపు అనే తుమ్మెద నను కుట్టి పడేసింది
పగలే వెన్నెల్లు కురిసి మురిసిపోతుంటే
మెరిసే నీ రూపం ఎద తట్టిపడేసింది
దివిలో ఈ అందం ఓర్వలేకపోయారా
ఎవరో ఆ దైవం మన గట్టి ముడేసింది
మనకూ ఈడూరి తగు సమయమొచ్చిందిలే
ఎదలో అణువణువూ తను చుట్టిపడేసింది
(మిత్రులు Srinivas Iduri గారి తెలుగు గజల్ కి నా బొమ్మ - గజల్ సేకరణ ః 'గజల్ సుమాలు' పుస్తకం నుండి)
కామెంట్లు లేవు:
కామెంట్ను పోస్ట్ చేయండి